Аслияб гьумералде

Аллагьас ﷻ тIаде босун буго

Аллагьас ﷻ тIаде босун буго

Щибаб чIагояб жоялъе Аллагьас ﷻ ризкъи бихьизабун буго, гьелъул хIакъалъулъ Къуръан-хIадисалда баянги гьабун буго. Гьеб хIукму хисизабизе кIолеб щибго жоги гьечIо, кигIан захIматал лъугьа-бахъинал тIаде рачIаниги.

Цо кIудияв гIалимчияс абун буго: «Дуе хъвараб цогиясе щоларо. Дуего хъвараб ризкъи, къартI ва тIадегIанлъи цIунун кваналевлъун вукIа, амма мунго гIодовегIанлъизавулеб хIалалъ кванаге», - ян. Балагье, гIакълу бугесе пикру гьабизе ругел берцинал рагIаби. Кваналеб жоялъе гIоло инсан вукIине бегьуларо пулеб гьуриялъ хъамун унеб кьишниялда релълъун. РахIаталъул къояз ризкъи кьолев Аллагьасда ﷻ , захIмалъи бачIиндалги лагъзал кIочон толаро.

Аварагасул ﷺ хIадисалда буго: «Къалам борхун буго, тIанчалги ракъван руго. ГIадамалги киданиги хIинкъизе кколаро ризкъи камун хутIилин абураб жоялда, щайин абуни гьезие кьезе бугеб ризкъи цебего бикьун буго БетIергьанас ﷻ », - ин.

Лъугьа-бахъунелъул халгьабун, кваналеб жоялъул къача-рачай лъугьине бугин бициндал, тукаби чIорого гьарулел хъантIарал чагIилъун рукIинеги рекъараб гьечIо Аллагьасда ﷻ божулел чагIазе.

«Анисул жалис» абураб тIехьалда хъвалеб буго Аллагьасул ﷻ махлукъатазул бугин халатаб гозоги бугеб цо хIинчI. Гьеб боржунин ралъдада тIасан ва тIаде бачIун кит бихьидал, гьелда тIад чIолин. Киталъулги бугин гIусазда лъугьунеб унти, гьеб хIинчIалъ цаби-гIусазда гьоркьоб къараб жо бахъун гурони сахлъулареб. ХIинчI тIад чIараб мехалъ киталъ кIал гьакIкIалеб буго ва гьелъ гIусазда гьоркьоб къараб гьан бахъун кваналеб буго, цинги киталъул унтиги тIагIунеб буго.

Гьединаб хIалаздаги жиндир махлукъаталъе ризкъи кьолевлъун вуго БетIергьан Аллагь ﷻ . Амма цогидаб махлукъаталъе кьечIеб гIакълуги кьун, хира гьарун рижарал нилъ, тавакал лъугIун рортанхъизе кколаро. Къуръаналда буго (магIна): «Муъминзабилъун нуж ратани Аллагьасде ﷻ тавакал гьабе», - ян (суратул «Маидат» 23 аят).

Аллагьас ﷻ ризкъи кьезе Жинца тIаде босун бугин Къуръаналъул 99 бакIалда абулеб буго. Нилъеца кигIан цIакъ бахъун тIалаб гьабуниги Аллагьасул ﷻ хIукму гьечIеб жо нилъее щоларо. Хадур рортанхъичIониги, Гьес ﷻ кьезе хъвараб гьукъулебги баккуларо. Ракьалда тIад цониги хIайван гьечIо, гьелъие ризкъи кьезе Дица ﷻ тIаде босун гурониян абураб магIнаялъул цоги аят буго хирияб Къуръаналда (суратул «Гьуд» 6 аят). ХIайваназегицин ризкъи кьолес инсанасе кьей къотIизабуларо.

Амма кантIизе ккела, захIматаб хIал лъугьине бугин хабар баккидал дунявияб магIишаталъул нахърател гьабулел нилъеца, щибаб къойил имамзабаз хвалил бицунеб, гьеб тохлъукьего тIаде бачIунин абун вагIза-насихIат гьабулелъул ахираталъе гьабулеб гIамал цIикIкIинаби, гьелъул нахърателал гьари гIемерлъулищ нилъер абуралдеги. Аллагьас ﷻ бичIчIи кьеги киназего, ракъиялдасаги цIунаги БетIергьанас! Амин

МУХIАММАДГIАРИФ КЪУРБАНОВ

2026-09-01 (РабигIул аввал 1448 с) №17.


Нужее баяналъе

1. Муъминун абун сураялда щай абураб? – Муъминзаби ва гьезул сипатал рехсеялъ. 2. Чан сураялда рехсараб дунял хIайгIадинаб жо бугин абун? – Ункъо сураялда: «АнгIам», «ГIанкабут», «МухIаммад», «ХIадид». 3. ШайтIаналъул хъаравулзаби абун...


ХIалтIи лъикI букIине

Гьабулеб хIалтIи-пиша лъикI букIине (баракат) бокьарас тIадчIей гьабила щуго жоялда.   ХIалтIи сабаблъун Аллагьас ﷻ тIадкъарал жал нахърахъуге ва кIарчанлъиги гьабуге. Жиндир заманалда тIадкъарал жал тIурани, хайир батила. ХIалтIи сабаблъун Аллагьасул ﷻ махлукъат хIакъир гьабуге. Нилъер...


Лъаялъул байрам

Хъумторхъала райналъул ракьалда бугеб ЦIияб ГIурада росулъ тIобитIана лъай кьеялъул ва рухIияб тарбия щвеялъул мурадалда гIуцIараб байрам. Гьениб росдал лъималаз ва гьидерил росабалъа рачIарал гьитIичаз бихьизабуна жидерго лъай. Гьез цIалана Къуръан ва кьуна батIи-батIиял гIелмиял суалазе жавабал.


Тафсир агьлуялъул маяк

Имамзабазул, хасго чIахIиял гIалимзабазул къимат лъала гьезул таржама гъваридго лъазабидал. Гьелдаго цадахъ имам вокьизеги вокьула. Амма лъаларев чи вокьизе кIоларо. Аварагас ﷺ абухъе, гIалимзаби ккола гьесул ирисилал. Щайгурелъул, Аварагас ﷺ жинда хадуб тола гIелму. Гьел ккола гьеб ирс босулел ва...


РабигIул аввалалъул хIурматалда

ЦӀунтӀа районалъул Гьинухъ росулъ тӀобитӀана баракатаб рабигӀул аввал моцӀ тӀаде щвеялда бан мажлис. Дунялалъул бусурбабазе гьеб моцӀ ккола хасаб рухӀияб цӀилъиялъул заманлъун. Муъминзаби мажгитазда ва рокъор данделъула Аллагьасе рецц гьабизе, Аварагасде ﷺ салават битIизе, гьесул гӀумруялъул...