Аслияб гьумералде

ГурхIел

ГурхIел

Нилъер хирияв авараг вукIана бищунго гурхIулевлъун. Ва гьединго, рецIел босизе кIолеб букIаниги, гIадамазда тIаса лъугьуневлъунги. Жакъа нилъеда жаниб къанагIат гурони батулареб тIабигIат буго гьеб. Аварагасин абуни жиндие квешлъи гьабуразеги лъикIлъи гьабулаан. ХIатта аварагасул лъикIал тIабигIаталги лъан, капуразулцин букIунаан хьул гьев тIаса лъугьинин абураб.

КигIан гIемераб квешлъи аварагасе гьабуниги, данде жаваб лъикIлъиялдалъун гьабулаан гьес . Аллагьас Къуръаналда абулеб буго: «Мун вукIаравани ракI согIав, ццин хехав чи, дуда аскIоса асхIабзаби лъутилаан ва мунго цохIо хутIилаан», - илан. («Аль ГIимран», аят 159)

Цо къоялъ аварагасухъе месед-гIарцул курхьенгун кIилкIал росун рачIана. Аварагас гьел асхIабзабазда гьоркьор рикьидал, гIалхул гIарабияс абуна: «Ле, МухIаммад, АллагьасхIаги, БетIергьанас дуде амру гьабун буго ращалъи гьабеян. Амма дида мун гьединавлъун вихьулев гьечIо», - ян. Гьединги абун гьев чи индал, аварагас асхIабзабазда абуна: «Берцинаб ва хIеренаб хабарги бицун гьев чи дихъе ваче нужеца», - ян. Гьедин хъачIго жинда кIалъарав чиясе тамихI гьабизе ресги букIаго, авараг гьесда гурхIана ва берцинаб калам гьабун, рази гьавуна.

Аварагасул гIавфуялъул макъам бичIчIула цоги мисалалдасан. Аварагасе хъулухъ гьабулев вукIана Лабид бин АгIсам абун цIар бугев ягьудияв. Аварагасе зарал гьабизе бокьарал ягьудияз Лабида гьарана расуласул гьокьоялда тIад хутIараб расул асар ва гьелъул лъабго гIучI жидехъе босеян. Гьедин, Лабидил кумекалдалъун, ягьудияз аварагасе сихIру гьабуна. Гьелдаса хадуб авараг лъабго къоялъ квешго унтана.

Цинги, вачIун ЖабрагIил малаикас аварагасда сихIру гьабун букIин лъазабуна, ва сихIру гьабураб жо пуланаб гъуялъулъ бахчун букIин бицана. Гьеб къватIибе бахъиялъул мурадалда, аварагас ГIалиги, Зубайрги, ГIаммарги гьенире ритIана. СихIру гьабураб жо гьез къватIибе бахъидал гурони аварагасе мадарги лъугьинчIо. ГьедигIан кIудияб зарал жинца баччаниги, гьев ягьудиясе зарал гьабизе аварагасда ракIалдецин ккечIо. Гьединаб тIадегIанаб макъамалда букIана аварагасул тIаса лъугьин. Жиндие гьабулеб зарал цIикIкIанагIан гьесул r гIавфу-цIоб цIикIкIунаан.

ЖАБИР МАЖИДОВ

2026-09-15 (РабигIул ахир 1448 с.) №18.


Кванил адабал

Кваназе байбихьилалде цин кверал чурила, гьелъ кванида баракат лъола, цинги «Бисмила» бахъила ва абила: «Аллагьумма барик лана фима разакътана ва къина гIазаба ннари», - абун. Кваналев чиясул ниятги букIина диналъе къуват бачIинеян абураб. Гьединаб ниятгун кванани, квенги...


Гъваридаб лъай

Гьале тIаде щвана цIалул заман. Киналго лъимал школаздеги, студентал цIалул идарабаздеги хьвадун байбихьула жидерго лъай цIикIкIинабизе. Исламалда лъай тIалаб гьабиялде кьола бищун цIикIкIун кIвар. Гьелде тIоритIел гьабулел аяталгун хIадисал гIемерал руго. Цересел номеразда гьелъул хIакъалъулъ...


КIудиял мунагьал

МацIихъанлъи гьаби ккола цо чияс абураб жо цогидасда бицин, гьелъ жинда бицарав чиясул жиндаса бицарав чиясдехун дагьабниги рокьукълъи, ракIхвей бижизабулеб бугони. Къуръаналда мацIихъан какун вуго. ХIадисалдаги буго мацIихъан Алжаналде лъугьинарин абун.   Гьел ккола Аллагьасул бищун ццим...


Египеталде сапар

Египеталде сапаралъ араб Дагъистаналдаса делегация дандчӀвана Вакъфазул рахъалъ министр Усама ал-Азгьаригун. Дагъистаналъул делегациялда гъорлъ рукӀана: ДРялъул диниял суалазул ва миллияб политикаялъул министрасул заместитель ТӀагьир Сутаев, министрасул кумекчи ГӀабдулбасир Абакаров, ДРялъул...


Фарукъ абураб цIар щвей

Жинда Аллагь разилъаяв ГIумар-асхIаб исламалде вачIун хадуб, бусурбабазда бугеб хIал бихьун гьесул ракI хIалхьун букIинчIо. Бусурбабаз ислам боси балъго гьабулеб букIараб заманалда ГIумар-асхIаб Аварагасухъе ﷺ вачIана ва абуна: «Я, Бичасул Авараг ﷺ, нилъ битIараб нухда гьечIищ, хваниги чIаго...