Лъазе ккола

Цебесеб номералда нилъеца бицен гьабун букIана Аллагьасда ﷻ, Гьесул ﷻ малаикзабазда ва тIахьазда иман лъеялъул хIакъалъулъ.

Илчизабазда иман лъей ккола БетIергьанас ﷻ хIакъаб жоялдалъун халкъазухъе ритIарал аварагзаби ва расулзаби ритIухъал, жал гIадамазулги бищун лъикIал абун ракIчIезаби.

Гьел руго жидеда Аллагьас ﷻ тIадкъараб амру халкъалъухъе бищун лъикIаб куцалда щвезабурал. БетIергьанас ﷻ тIадкъаралдаса гьез цониги жо жидерго рахъалдаса тIаде жубачIо ва тIасаги бахъичIо.

Щуабилеб ккола къиямасеб къоялда иман лъей. Гьебги ккола нилъеца ракIчIезаби, хун хадур ТIадегIанав Аллагьас ﷻ кинабниги чIагояб махлукъат хваралъуса бахъинеги гьабун, ГIарасат майданалда чIезабун, цере лъезе ругеблъи гIамалал роцунел цIадираби, цинги гьабизе буго киназулго хIисаб-суал.

Гьеб къоялъ Аллагьасул ﷻ рахIмуги букIине буго кутакалда гурхIараб, гIатIидаб, тамихI гьабиги букIине буго зулму гьаби гьечIеб – кьварараб. Гьев ﷻ гурхIараздаса ратаги!

Къиямасеб къоялда иман лъеялда цадахъ бугелдаса ккола хабалъ лъедал гьениб гIазаб букIине бугеблъиги, Мункар-Накирасул кIалгьикъи, жужахIалда тIасан СиратI букIине бугеблъи, МухIаммад аварагасул ﷺ шафагIат ва хIавзалъул лъим, Алжан-жужахI бугеблъи.

Хадусеб, иман лъезе кколезул буго къадар, лъикIаб бугониги, квешаб бугониги гьаб гIаламалда жаниб лъугьунеб кинабго Аллагьасул ﷻ къадаралдалъун буго. Кинниги, кинаб къадар Аллагьас ﷻ хъван бугеблъи лъалеллъун нилъ гьечIелъул, ихтияр буго щивасухъ квешаб яги лъикIаб гIамал гьабизе.

МухIаммадгIариф Къурбанов

2026-09-15 (РабигIул ахир 1448 с.) №18.

Лъимер гьабизе йигеб заман буго цIакъ кIвар бугеб гIуж. Гьеб заманалда, хасго чIужугIаданалъ, жиндирго сахлъи ва рацIцIалъи, кванил ва цогидалъулги низам цIунизе ккола. Гьединго халкквезе ккола тIад ретIунеб ратIлида хадубги. Лъимер ва жийго квачалдаса цIунизе ккола, тIадкъараб ретIел, угъдул...

Щибаб санайил дунял квачазе байбихьидал, цIикIкIуна вирусалъулаб инфекциялъ (ОРВИ) унтаразул къадар. Хасго гIадамал унтула хаслихълъиялдаса бахъараб ихдалил байбихьуде щвезегIан. Гьединлъидал гьеб заманалда жаниб кIвар бугеб жо ккола унтул аслиял гIаламатал лъай. ОРВИ ккола батIи-батIиял...

Нилъеца гьарулел гIамалал ритIарал ругищали яги чиядехун гьабулеб гIамалалъулъ тохлъи биччалищали пикруго гьабулищ нилъеца? Мекъи рукIин лъалищ, къабул гьабулищ, гьеб битIизабизе хIаракат бахъулищ? Гьайгьай, гьелъул пикру гьабизе ккела. Лъазе ккола аварагзаби хутIизегIан, гунгутIабаздаса...

Хъайтагъ районалда тӀобитӀана РабигIул аввал моцӀалъе сайгъат гьабураб гӀелмияб мажлис. Гьелда гӀахьаллъана районалъул бетӀер ХӀасанов Запир; районалъул имамзабазул советалъул председатель - Салимов ГӀабдулла; Югалъулаб территориалияб округалда Дагъистан Республикаялъул муфтияталъул вакил Рамазанов...

Нилъер хъизам букIине ккола сахлъи бугеб щулияб жамгIияб гIуцIилъун. Рокъоб гIадлу гьечIони, хъизан-лъималаз гIумру гьабизе гьечIо исламалда рекъон, бажаризе гьечIо гьел лъикIал бусурбабилъун лъугьинарун. Аслияб масъала буго Аварагасул ﷺ уммат гьоркьоса къотIичIого цIикIкIунеб хIал...

Лъазе ккола