Аслияб гьумералде

Руччабазда бараб гIемер букIуна

Руччабазда бараб гIемер букIуна

Руччабазда бараб гIемер букIуна

МахIмуд-афандиясул устарлъун вукIарав, кIудияб макъамалъул шайих, Юнус-афандиясул гIемерал караматал рукIана. Бищунго чIахIиял караматаздасан букIана, лъеда тIасан гьев хьвадулев вукIин. Гьесул йикIун йиго Аллагьасукьа хIинкъарай лъади, щибаб жоялъулъ гьесие кумекги гьабулей.

 

Юнус-афандиясул хур, гIор бахун, доб рахъалда букIун буго. Щибго квалквал гьечIого, гIоралда тIасан вилълъун, гьес щибаб  къойил хIалтIухъабазе квен щвезабулеб букIун буго. Бищун къваридаб бакIалда гьеб гIорул гIеблъиги 150 метр букIун буго.

Цо нухалъ гьесул лъадулгун кIалъай ккун буго. ЧIужуялъ абун буго: «Дуе щванщинал макъамал Аллагьасдасан ругониги, дирги гьелда гьоркьоб гьитIинабго бутIа буго, дица бацIцIадго хIадурараб квен гуреб дур ургьибе ккунгутIиялъ», - ян. Амма Юнус-афандияс гьелъул рагIабазде кIварго кьун гьечIо.

Гьеб квеш бихьарай лъадуца, нахъисеб къоялъ, какие чури гьечIого ва Аллагьасдаса гъапулго хIадурула квен. Гьеб кванан хадуб, кидаго гIадин, хIалтIухъабазе къадеквен босун арав Юнус-афандиясда хадуй яхъуна гьей. ТIоцебесеб гали лъеда тIад чIарабго, гьев лъелъе вортула. Гьесухъе гIедегIарай гьелъ, гьев хвасар гьавула ва гьикъула, дуе ккараб щибин абун. Лъаларин жаваб гьабула шайихас. Гьениб чIужуялъ бицуна, жинца гъафлаталда ва какие чуричIого квен гьабун букIанин абун.

ГьедигIан макъам кIудияв, Аллагь лъаялде щварав устарасецин гъапулго хIадурараб кваница зарал гьабизе рес бугеб мехалъ, гIадатиял муридзабазул щиб бицинеб? Гьединлъидал, хIаракат бахъизе ккола квен гьабулаго пайда гьечIеб каламалдаса рикIкIалъизе, Аллагьги ракIалде ккун, дугIаби-азкарал, салават, Къуръан, зикру бачунаго, какичуриялда гьабизе. Гьединаб квен ургьибе ккаравщинав чиясе гIибадат гьабизе бигьалъула ва гьесие гьеб ургьимес гвангъизабулеб нуралде сверула.

 

2026-09-15 (РабигIул ахир 1448 с.) №18.


Бусурбабазул тарихчи ва географ

ГIизудин ибну Шаддад ХӀалаби гьавуна Сириялъул ХIалеппоялда бугеб ХӀалаб шагьаралда, 1217 соналъул лъабабилеб зулхӀижа моцIалъ, гьижрияб 613 соналда. Тарихалъул ва географиялъул рахъалъ жиндирго хIалтIабазул кумекалдалъун ибну Шаддад вахъана жиндир гIасруялъул машгьурал тарихчагӀазул...


ГIажаибаб мугIжизат

Къуръан ккола жибго бищун кIудияб мугIжизат. Ва щибаб нухалъ гьеб лъазабидал гIажаиблъизеги гьарула. Гьелда жаниб географиялъулги хIикматал руго.   Аллагьас ﷻ Къуръаналда абуна: وَهُوَ الَّذِي خَلَقَ اللَّيْلَ وَالنَّهَارَ وَالشَّمْسَ وَالْقَمَرَ كُلٌّ فِي فَلَكٍ يَسْبَحُون   МагIна:...


ОРВИялде данде

Щибаб санайил дунял квачазе байбихьидал, цIикIкIуна вирусалъулаб инфекциялъ (ОРВИ) унтаразул къадар. Хасго гIадамал унтула хаслихълъиялдаса бахъараб ихдалил байбихьуде щвезегIан. Гьединлъидал гьеб заманалда жаниб кIвар бугеб жо ккола унтул аслиял гIаламатал лъай.   ОРВИ ккола батIи-батIиял...


Мадраса рагьана МагIлибги

Хьаргаби районалъул МагIли росулъ рагьана цIияб мадраса. Гьелъие цIарги кьуна Дагъистаналъул муфти, шайих АхIмад-афандиясул. Мадрасалда чIезарун руго киналго шартIал. Руго цIалул кабинетал, библиотека ва мутагIилзабазе хIажатабщинаб. Мадраса рагьиялъул хIурматалда тIобитIана динияб мажлисги....


Президентас ХасмухIаммадида баркана

Россиялъул президент Владимир Путиница баркана Дагъистаналъул хӀурматияв инсан, 95 сон тӀубарав ХасмухӀаммад Абубакаровасда гьавураб къо. Дагъистаналъул кӀудияв эменин абула гьесда гьев лъалел чагӀаз. Гьесул гӀумру буго къвакӀиялъул ва исламалъе хъулухъ гьабиялъул мисаллъун. Гьес гӀумру гьабуна...