«КIвахIалал голубцаби»
«КIвахIалал голубцаби»
Голубцаби рокьараб, амма заман дагь гурони гьечIеб мехалда, гьаризе бегьула «кIвахIалал голубцаби».
ХIажалъула:
Буссараб гьан – 400 г.
ХъапустIан – 400 г.
ПиринчI – 0,5 стакан.
Хоно – 1.
Ламадур – 1.
Ражи – 2 гожо.
Семучкадул нах – 1 кIудияб гъуд.
ЦIам, пурчч.
Соусалъе:
Томат – 2 кIудияб гъуд.
Лъим – 1 стакан.
Гьабулеб къагIида:
- ХъапустIан гIиссин гьабун буссина ва бухIараб лъимги тIаде тIун 10 минуталъ тела.
- ПиринчI белъина, амма тIубанго белъине теларо. Гьалун хадуб 10-12 минуталдасан цIадуда тIаса нахъе босила.
- Пер гIиссин гьабун буссила. Ламадур чIахIияб теркаялдасан биччала. Ражи бухила.
- Нахги тIун, перги ламадурги бежила 7 минуталъ.
- Буссараб гьан, хъапустIан, пиринчI, ражи ва режарал овощал журазарила. Гьенибего хоно чIехьела, цIан-пурчч рекъезабила.
- Квералги риччизарун, голубцаби гьарила.
- Томат лъеца билъина. Голубцаби бежулеб формаялда жанир сукIила, билъараб томат тIаде тIела.
- 180°С хинлъараб духовкаялда жаниб цо сагIалъ режила.
«КIвахIалал голубцаби» цере лъезе бегьула тIорахьгун, тIаде гIурччинлъиги щван. Цадахъ пьюре яги белъараб картошка кьезе бегьула.
