Хасало гьаризе малъа-хъваял

Хасел тIаде щведал, гьелъ цадахъ росун рачIунел сайгъатазда гьоркьоб, тIадагьаб гIазу гуребги, цо чанго бакIаб масъалаги букIуна. Амма щибаб захIмалъиялда цадахъ гьеб тIубазабулеб къагIидаги кьун букIуна Аллагьас. Гьале хасало пайдаялъе ратулел цо-цо малъа-хъваял:

1. Хьитазде жанибе лъим бачIун, риччун ратани, хехго ракъвазелъун гьезда жанире гура-шурарал газетал къазаризе бегьула. ТIанчаз тIаде цIала регьел.
2. ГIазу реххулелъул гьеб бугьуналда, болода рекIун чIола. Гьедин букIинаредухъ, болода нах бахине бегьула.
3. Хасало рокъоб гьава «бакъвараб» букIуна. Гьеб сабаблъун грипп гIадал унтабазе чи кверде восизе бигьалъула, бактерияздаса цIунизе захIмалъула. Гьедин, гьава «ригьараб» лъугьине, зама-заманалда бегьула 15-20 минуталъ кIалтIалъел лъечIого лъим гьализабизе. Гьеб лъеде гъорлъе корицаялъул гIучIал, михIикI (гвоздика) яги лимоналъул хъал рехани, жеги берцинаб махIги букIина.
4. Болъабазда цIер чIван батани, спирталъул кIудияб гъуд ва цIа-рагI чурулеб лъамалъиялъул гьитIинаб гъуд 2 литр бухIараб лъелъеги жубан, гьезде тIаде тIуни, хехго риина.
5. Рокъоб хинлъи цIикIкIине, батареялда нахъа фольга тIад бугеб пенопласт яги цогидаб фольга рекIинабизе бегьула. Къадалъе унеб букIараб къадар хинлъиялъул рокъоб хутIула ва 2-5 градусалъ хинлъи цIикIкIуна.
6. Хьитазда жаниса квешаб махI бахъун батани, гьитIинаб ххамил кесекалъулъ жемараб дагьабго сода лъела. Гьелъ регьелги бахъула, махIги инабула.