Аслияб гьумералде

Лъади йиго бихьинчиясул иманалъул бащалъи

Лъади йиго бихьинчиясул иманалъул бащалъи

«ТалихIаб хъизан гIуцIизе кIвеялъулъ щиб балъголъи бугеб? Кин кIвараб росасулгун лъикIаб гьоркьоблъи цIунизе?» Гьадинаб суал кьуна 50 соналъ росасегун лъималазе лъикIаб хъулухъ гьабурай ва талихIаб хъизан цIунизе бажарарай гIаданалъе. 

 

«Хъизан цIуниялъул иш, Аллагьасул кумекалдалъун, гIемерисеб чIужугIаданалда бараб буго. Гьелда кIола рокъоб бокьараб гьава-бакъ чIезабизе. Нужеца бечелъиялъул бицунге. ГIемерал бечедал руччаби руго талихI къарал. Лъималазда бараб жоги гьечIо. Чанги руго 4-5 вас гьавурал, амма ригьнадаса ратIалъарал. ТIагIамаб квен гьабизеги руччабазухъа бажарула, амма гьебги кколаро талихIалъул роцен.

Данделъидал нижеца хIукму гьабуна ТIадегIанав Аллагьасулги хирияв Аварагасулги нух кквезе, хъизамалъул аслияб мурад - цоцазул тIалаб гьаби ва Аллагь разилъулеб хIалалда гIумру тIами букIин. Нижеца хIукму гьабуна, гIумруялда жаниб щиб кканиги, бищун кIвар бугеб жо, цоцада тIад бергьенлъи боси гуреб, берцинаб гьоркьоблъи цIуни букIине бугин. Масала, росасул ццим бахъараб мехалъ, дица тIаса бищулаан юцIцIун чIей. Дун гIенеккулаан дос абулебщиналъухъ ва тIаде щибго жубалароан».

- Щайха мун, довги вугелъув тун, цогидаб рокъое уней йикIинчIей?

- Гьедин гьабизе бегьуларо! Досда ракIалда ккезе рес буго, жиндихъ гIенеккизе бокьун гьечIин абун.

Гьесул калам лъугIизегIан юцIцIун чIолаан ва гьеб мехалда цогидаб рокъое унаан. Гьединаб мехалда бихьинчиясе къваригIуна сихIкъотIи, пикру гьабизе ва гIодове виччазе заман. 2-3 сагIат индал дица росасе чай яги сок кьолаан. Гьеб гьекъейиланги абун, щибго букIинчIеб гIадин кIалъалаан. «Мун барщун гьечIищ?» - абун дос гьикъидал, гьечIин абулаан. Гьеб мехалда дос тIаса лъугьин гьарулаан ва цебе букIаралдаса берцинго кIалъалаан.

 

- Мун цо-кIиго къоялъгIаги барщун чIолароанищха?

- ЧIолароан. Гьедин чIезеги бегьуларо. Гьединаб ахIвал-хIалалъ хъизан биххиялде бачуна.

Дие цо жо данде ккечIеб мехалда сабру гьабулаан. Гьедин гьабиялъулъ баракатги батана.

Рос-лъадуца цоцазда гIамалал рихьизаризе бегьуларо. Лъади йиго бихьинчиясул иманалъул бащалъи. Цоцаца къварид ва гIодорегIан гьариялъулъ гуро талихI букIунеб. Гьелъул гIаксалда, цоцазухъ гIенеккизе ва цоцазул пикру бичIчIизе хIаракат бахъизе ккола. ГIаламалъулго сайид МухIаммад аварагасги лъадулгун гIакълу дандбалаан.

 

2026-09-01 (РабигIул аввал 1448 с) №17.


ХIикматал махлукъатал

Попугай ччугIа Пляжал гIуцIулеб. Гьеб ччугIил щибаб чIандероялда руго нус-нус гьитIинал, горал гIадал жал цоцалъ щулаго гъункун лъугьарал, гозоялъул кинниги сипат бугел цаби. Цабиги руго батIи-батIияб маххалдасаги къвакIарал. Цабзаздалъун гьез кораллал къунцIула. Габуралъул рахъалдаги руго жеги...


Баркала кумекалъухъ

ХӀурматияб «Ас-салам» газеталъул редакция! Газета гьоркьобккун нижее, Хунзахъ районалъул ТӀадколоб росулъа ХӀажиев ГӀалискандил хъизамалъе, бокьун буго баркалаялъул калам загьир гьабизе нижее хӀажалъи ккедал кумекалъе ратарал гӀадамазе.   Исана 13 июналда цӀаги рекӀун нижер мина,...


Рокъоб мавлид гьабиялъул даража

Абубакр Сидикъас абуна: «Мавлидалъе цо диргьам жинца кьурав чи Алжаналъув дир гьалмагъ вуго», - абун.   ГIумарица абуна: «Аварагасул ﷻ мавлид жинца кIодо гьабурав чи, ислам чIаго гьабурав чи вуго», - ян. ГIусманица абуна: «Мавлид цIализе цо диргьам жинца кьурав...


Нужее баяналъе

1. Муъминун абун сураялда щай абураб? – Муъминзаби ва гьезул сипатал рехсеялъ. 2. Чан сураялда рехсараб дунял хIайгIадинаб жо бугин абун? – Ункъо сураялда: «АнгIам», «ГIанкабут», «МухIаммад», «ХIадид». 3. ШайтIаналъул хъаравулзаби абун...


ЦIар кинаб лъелеб?

Гьабун анкьабилеб къоялъ лъимералда цIар тезе суннатаб буго. Реххараб лъимералда рухI лъун букIун батани, гьелдаги цIар тезе суннатаб буго. Реххараб лъимер васищ яги ясищали батIа бахъизе лъачIони, кIиязего бегьулеб цIар лъела, масала, ТIалхIат, ХIамзат, Майсарат гIадал. Реххараб лъимералда...