Аслияб гьумералде

Росдал къо ва 100 сон тIубай

Росдал къо ва 100 сон тIубай

Буйнакск районалъул ХIабщи росдал жамагIаталъ щибаб санайил тIобитIула росдал къо. Исанасеб данделъи тIобитIана Буйнакск район гIуцIаралдаса 100 сон тIубайги цадахъ ккезабун. Инсанасул ватIаналде кидаго ракI цIала ва гьеб бокьула. Буйнакск районалда гIемерал росаби руго ва щибалъ жидерго тарихги гIадатги буго.

 

 

 

 

 

 

 

 

 

ХIабщи росдацайин абуни бан буго 1528 сон.

Мажлисалъе хIадурлъи гьабизе байбихьун букIана моцIалъ цебе.

Гьелъул хIурматалда тIобитIараб тадбиралда рукIана спортивиял къецалги. Спортивиял къецазда бергьаразе кьезе гIаммаб фонд букIана 120 азарго гъурущ. Гьединго вагIза насихIатги гьабуна.

Мажлисалъе байбихьи лъуна районалъул имамзабазул советалъул председатель Шамил ГIусмановас. Гьес хIабщадерида баркана росдал къо ва киназего гьарана сахлъигун рохел. 

 

 

 

 

 

 

 

 

 

Мажлисалда кIалъарав росдал имам МухIаммадов Шамилица абуна: «Гьадинал мажлисал Буйнакск районалъул щибаб росдаца гIуцIизе бегьила. Нилъер рокьи цIикIкIуна ва цоцада лъала», - ян.

Буйнакск районалъул бетIерасул ишал тIуралев Уллубий Ханмурзаевас абуна гьадинал данделъабаз халкъ цолъизабулин абун.

Цинги тIоритIана спортивиял къецал ва ахиралда щивав чи кваназеги гьавуна. 

Мажлис берцин гьабуна «Пехлеван» абураб палугьабазул къукъаялъги. Гьелъул нухмалъулев ккола АсхIабгIали ХIасанов.

Росдал бегавул МухIаммад МухIаммадовас киназего баркала кьуна ва талихIгун рохел гьарана. 

Мажлис лъугIизабизе гIадамал гIедегIулел рукIинчIо. Къасимех щвезегIанцин гIадамал гьениса камичIо.

 

 

 

 

 

 

2026-09-01 (РабигIул аввал 1448 с) №17.


Нужее баяналъе

1. Муъминун абун сураялда щай абураб? – Муъминзаби ва гьезул сипатал рехсеялъ. 2. Чан сураялда рехсараб дунял хIайгIадинаб жо бугин абун? – Ункъо сураялда: «АнгIам», «ГIанкабут», «МухIаммад», «ХIадид». 3. ШайтIаналъул хъаравулзаби абун...


Суал-жаваб

Насвай хIалтIизабун хадуб кIалги ххуличIого ялъуни гьебги чвантиниб лъун бараб как рикIкIунищ? Лъалеб жо буго хъалияналъги, насваялъги ва гьелда релълъарал цогидал жалазги чорхое зарал гьабулеблъи. Гьел жал хIалтIизариги шаригIаталда мунагьлъун рикIкIуна. Пуланав чи ватани гьединал жалаздаса...


Курми росдал къо

Курми росулъ тӀобитӀана росдал къоялда хурхун байрамалъулаб тадбир. Гьеб къоялъул аслияб лъугьа-бахъинлъун букӀана щивав чияс жидерго къуват, гьунар, бергьенлъи босизе бугеб гъира бихьизабизе рес кьураб спортивияб къец. Гьелдаса хадуб киналго гьалбал кваназаруна ва цо-цо церехъабазе кьуна...


Рокъоб мавлид гьабиялъул даража

Абубакр Сидикъас абуна: «Мавлидалъе цо диргьам жинца кьурав чи Алжаналъув дир гьалмагъ вуго», - абун.   ГIумарица абуна: «Аварагасул ﷻ мавлид жинца кIодо гьабурав чи, ислам чIаго гьабурав чи вуго», - ян. ГIусманица абуна: «Мавлид цIализе цо диргьам жинца кьурав...


ХIасил щиб ккараб?

АлахIамдулиллагь, щибаб рецц Аллагьасе ﷻ, ракI бохулеб, черхалъе гьайбатаб асар гьабулеблъун букIана риидалил гIодоркъоязда Къуръан цIализе, как базе, тIабигIат берцин гьабизе, дарсазде хьвадун, лъималаз мажгитал цIун рукIараб заман.   Лъимал руго нилъер берзул канлъаби, рухI кьунги гьезие...