Аслияб гьумералде

Араб соналъул хIасил

Араб соналъул хIасил

Муфтияталъул мугIрузул районазул вакиллъиялъул хIалтIул хIасилал

15-абилеб январалда Хьаргаби районалъул Хьаргаби росулъ тIобитIана мугIрузул районазда муфтияталъул вакиллъиялъул 2021 соналъул хIалтIул хIасилал гьарураб мажлис.

Гьеб баракатаб данделъиялда гIахьаллъи гьабуна мугIрузул районазул имамзабазгун жамагIатаз. Мажлис нухда бачана Камил Шейховас. Данделъи байбихьана Къуръан цIалиялдалъун. Гьабураб хIалтIул хIасилал баян гьарун цере рахъана щибаб рахъалъул нухмалъулел. Щибаб кIалъаялда гьоркьор ахIулел рукIана мавлидал ва туркаби. «Инсан» рахIму-цIобалъул фондалъул нухмалъулесул наиб Рамазан-хIажияс бицана мискинзабазул Дагъистаналда бугеб ахIвал-хIалалъул.

Бажарараб кумек ресукъазе гьабиялде ахIана гьес мажлисалде ракIарарал. «Ас-салам» казият тIибитIизабиялъул жавабияв МухIаммаднурица бицана казияталъул подпискаялъул къадар ва сайгъатал кьуна гьеб тIибитIизабиялъе квербакъаразе. Бищунго цIикIкIун подписка гьабурал ЛъаратIа районалъул вакилзабазе хасаб байрахъги кьуна МухIаммаднурица.

Мажлисалъул ахиралда кIалъазе вахъарав мугIрузул районазда муфтияталъул хасав вакил Казим-хIажияс хIасил гьабун гьабураб кIалъаялда вихьизавуна щибаб районалда жигарго хIалтIи гьабурав имам ва щивасе кьуна Баркалаялъул кагъатгун хIадисазул тIехь. Гьединго сайгъат гьабуна районалъул имамзабазда гьоркьов жигарго хIалтIарав имамги. Мажлисалъул ахиралда тIолалго бусурбабазе дугIаги гьабуна. Аллагьас къабул гьабеги киназулго лъикIаб гIамал. Амин!

ГIАБДУЛЛАГЬ МУХIАММАДОВ

2026-09-15 (РабигIул ахир 1448 с.) №18.


Ракьулъ бижулеб гIурдахIан

Камъат (гIараб мацIалда факъгI абунги лъала, гIурус мацIалда трюфель) ккола ракьулъ бижулеб кваназе бегьулеб гIурдахIан. Хасго гьеб гIемер батула ГIагараб Машрикъалъул ва Шималияб Африкаялъул авлахъазул гIатIилъабазда, гьениб гьеб загьирлъула цIад бан хадуб. Гьеб гIажаибаб ракьалъул нигIматалъе...


РакI чIаго гьабулеб

Гьаб заманалда гIемерисеб мехалда дунялалъул ишазда сверун лъугьун рукIиналъ нилъ лъугьунел руго аслияб иш кIочон толеллъун. Нилъер ракI буго черх чIаго гьабун би жиндасан сверулеблъун гуребги иманалъул ракIбацIцIалъиялъул унго-унгоял бусурбабазул хасияталъул бакI ва нилъ Халикъасда ﷻ хурхинарулеб...


Нужее баяналъе

Авараг гьавураб сон щиб сон букIараб? – Пилалъул сон. Пилалъул сон абун щай гьелда цIар тараб? – Гьеб соналъ Абрагьат аскаргун ва пилалги рачун КагIба биххизе вачIун вукIана. Аварагасе ﷺ кьураб бищун кIудияб мугIжизат щиб букIараб? – Къуръан. Муса аварагасул...


Президентас ХасмухIаммадида баркана

Россиялъул президент Владимир Путиница баркана Дагъистаналъул хӀурматияв инсан, 95 сон тӀубарав ХасмухӀаммад Абубакаровасда гьавураб къо. Дагъистаналъул кӀудияв эменин абула гьесда гьев лъалел чагӀаз. Гьесул гӀумру буго къвакӀиялъул ва исламалъе хъулухъ гьабиялъул мисаллъун. Гьес гӀумру гьабуна...


Ахиралде щвана

Баракатаб РабигӀул аввал моцӀ ахиралде щвана. Гьаб моцӀги Авараг ﷺ гьавураб къоги, цогидал моцӀал гӀадин нилъеца тӀобитӀичIо. Цогидаб заманалде ккун гьаб моцIалъ чияс дагьаб бугониги цӀалун батани Аварагасул ﷺ хӀакъалъулъ, абизе бегьула гьес хайир босанин.   ГӀумруялъ гьесул хӀакъалъулъ цӀаланиги...