«ДугIабазул сордо» ва байрахъгун кубок

Ноябрь моцIалъул ахирисел къоязда ЛъаратIа районалъул жамагIаталъ МахIачхъалаялда бугеб Зайнуллагь Шарифиясул цIар лъураб мажгиталъуб тIобитIана «ДугIабазул сордо» абураб мажлис. Гьелда гIахьаллъи гьабуна хъулухъчагIаз, гIалимзабаз, спортсменаз, жамгIиятчагIаз, улкаялдаго «Ас-салам» казият тIибитIизабулеб отделалъул жавабияв ГIали МухIумаевас, гьесул заместитель Мурад МухIаммадовас ва цогидазги.

Мажлисалъе байбихьи гьабуна Къуръаналдаса аятал цIалиялдалъун.

Данделъи нухда бачана МахIачхъала шагьаралъул имамзабазул советалъул председатель ГIабдуллагь Ахаловас ва гьарана гьаб мажлис гьабегийин Аллагьгун Авараг ﷺ разияблъун.

КIалъазе вахъарав муфтияталъул мугIрузулаб округалда вугел вакил МахIмуд-афанди Думалаевас бицана тасаввуф-гIелмуялъул.

- Бакълъухъа КIудиясда цIехон буго тасаввуф абураб жо Аварагасул ﷺ заманалда букIанищилан. Гьес абун буго нужеца гьелда бокьараб цIар абейин, амма гьеб бугин Аварагасул ﷺ заманалда букIараб. ГIумар-асхIабасдаса бицараб машгьураб хIадисалда буго, Аварагасухъе ﷺ вачIанила пуланав чи ва цIеханила иманалъулгун исламалъул. Цинги лъабабизеги цIехон гьикъанила ихIсан щибилан абун. Гьелъие жаваб гьабун Аварагас ﷺ абун буго, ихIсан бугин дуца дур БетIергьанасе ﷻ, дуда Гьев вихьулев вугев кинниги, гIибадат ракIбацIцIадго гьаби, дуда Гьев вихьичIониги Гьесда мун вихьулелъул.

Гьеб буго ихIсан, гьелде нилъ рачунеб жоги тасаввуф-тIарикъат ккола, - ян бицана М. Думалаевас.

ГIалимчи Шамил ГIумаровас гIолохъанаб гIелалдехун хитIаб гьабун абуна гьаб заман бугин гIемераб диниябги динияб гуребги, ай батIи-батIияб информация социалиял гьиназдасан тIибитIизабулеб. Гьединлъидал гьари бугин лъалареб яги ишкал ккараб суал бугони, нуж лъалезда аскIоре ун, мухIканлъи тIалаб гьабейин абураб.

Мажлисалда кIалъазе вахъана гIалимчи Идрис Асадулаев, ЧIикIаб росдал имам МухIаммад ГьитIинов, «Универсал файтер» клубалъул президент НурмухIаммад Анукский, ДРялъул Халкъияб собраниялъул депутат СултIан Ибрагьимовгун цо-цо районалдаса хIаракатчагIиги.

ЦIалана мавлидал, гIахьалъаразда гьоркьоб можоро рехана 15 «Айфон» телефоналъе.

ГIали МухIумаевас ЛъаратIа районалъул вакилзабазухъе кьуна тIасияб соналде «Ас-салам» казияталъе гьабулеб подпискаялъулъ 1500 подписка гьабиялъул номинациялда тIоцебесеб бакI ккуразухъе кьолеб байрахъгун кубок. Гьеб кьолелъулги лъаратIисез газета хъваялъулъ ва тIибитIизабиялъулъ гьабулеб хIаракаталъул бицун баркала загьир гьабуна гьезул жамагIатазе.

Мажлисалъе ахир гьабуна гIаммаб дугIа гьабиялдалъун.

ХIадур гьабуна МухIаммадгIариф Къурбановас

2026-03-15 (Шаввал 1447 с.) №6.

МацI ккола ТIадегIанав Аллагьас инсанасе кьурал бищунго кIудиял нигIматазул цояб. Гьелдалъун гIадамаз бухьен гьабула, гIелму бикьула, цоцазе квербакъула, Аллагь рехсола. Амма гьебго мацIалъги рачине бегьула кIудиял мунагьазде ва квешал хIасилазде, гьабулеб каламалда хадуб...

Хьул къотIи ккола тавакаллъи гьабиялъул тIубанго гIаксияб рахъ. Хьул къотIиялъ рухIги гIакълуги хвезабула. Напсалда хурхун абуни, гьелъ хвезабула жанисеб рахъалъул ТIадегIанав Аллагьасде ﷻ божилъи гьаби, Гьесие ﷻ мутIигIлъи, сабру гIадал муъминчиясул хасиятал. ГIакълуялъул рахъалъ инсан...

Рос дихъ гIенеккуларо Рос дихъ гIенеккуларо. Дица гьесда абула рокъоб цо ремонт гьабизе ккун бугин абун. Байбихьуда гьев рази вугин ккола, амма хадуб щибго гьабуларо. ЦIияб холодильник къваригIун бугин абидалги, босилин абула, амма босуларо. Щиб бугониги жо къачIазе кколин абидал,...

ГIадамаз гIемер ракIалде щвезабула жидерго гIолохъанлъи. Гьел ракIалдещвеял гвангъарал ва рохалилаллъун рихьизе бегьула гIолохъанлъи нилъер къуваталъул ва чIаголъиялъул цIураб мех букIиналъ. Амма гIолохъанлъиялъул щибаб ракIалдещвеялъ гуро рохел кьезе кколеб. ГIолохъанлъи мунагьазулъ ва...

ЛъаратIа районалда, диниял хIаракатчагIазул квербакъиялдалъун, тIобитIана школлъималазе наркотиказда данде къеркьеялъул бицунеб дарс. Гьединаб мурадгун Гъараколоб росдал школалде рачIун рукIана ДРялъул муфтияталъул ЛъаратIа районалда бугеб лъай кьеялъул управлениялъул ва «Инсан»...

«ДугIабазул сордо» ва байрахъгун кубок