Аслияб гьумералде

Мансурил МухIаммад-афанди ракIалде щвезавуна

Мансурил МухIаммад-афанди ракIалде щвезавуна

Болъихъ районалъул Зило росулъ тIобитIана ихдалил байрам. Исана гьелъул букIана хасаб гIуцIи, ай тIобитIулеб букIана накъшубандиябгун шазалияб тIарикъаталъул муршид Инхелоса Мансурил МухIаммад-афандиясул цIаралда.

Баракатаб гьеб мажлисалда гIахьаллъи гьабизе рачIун рукIана Дагъистаналдасаго гьалбал. Мажлис берцин гьабуна гIелму гъваридал гIалимзабаз. ВагIзабигун цере рахъана исламиял гIелмабазул доктор, ЧIикIаб росдал имам Ацаев ГIабдулагь-хIажи, муфтиясул кумекчи МухIаммадрасул СагIадуев, мугIрузул мухъалда вугев муфтияталъул вакил Казим Темирбулатов ва цогидалги. РакIалде щвезавуна Мансурил МухIаммад-афанди, гьесул гIумруялъул сухъмахъал. Бицана гьес гьабулеб букIараб кIвар бугеб хIалтIулги. Гьединго жиндирго чорхол къуваталъул гьунарал рихьизаруна ГIумар ХIанапиевасги.

Гьеб мажлисалъул аслиял рахъазул цояб ккола чуял тIами. Гьелда гIахьаллъизе рачIун рукIана гIемерал чотIахъаби. Гьезда гьоркьор рукIана Чачаналдаса рачIаралги. Цересел бакIал ккуразе кьуна гIарцулал сайгъаталги.

Юргъачуязда гъорлъ Инхелоса устарасул цIаралда биччараб чу бачIана тIоцебесеб бакIалде. Зило росдал жамагIаталъ гьабун бугоан кутакалда лъикIаб хIадурлъиги. Гьалбадерие чIезабун букIана квен ва лъикIаб чай.

ГIАБДУЛЛАГЬ МУХIАММАДОВ

2026-09-15 (РабигIул ахир 1448 с.) №18.


Мадраса рагьана МагIлибги

Хьаргаби районалъул МагIли росулъ рагьана цIияб мадраса. Гьелъие цIарги кьуна Дагъистаналъул муфти, шайих АхIмад-афандиясул. Мадрасалда чIезарун руго киналго шартIал. Руго цIалул кабинетал, библиотека ва мутагIилзабазе хIажатабщинаб. Мадраса рагьиялъул хIурматалда тIобитIана динияб мажлисги....


Учительзабиги кIочон течIо

Хъайтагъ районалда тӀобитӀана РабигIул аввал моцӀалъе сайгъат гьабураб гӀелмияб мажлис. Гьелда гӀахьаллъана районалъул бетӀер ХӀасанов Запир; районалъул имамзабазул советалъул председатель - Салимов ГӀабдулла; Югалъулаб территориалияб округалда Дагъистан Республикаялъул муфтияталъул вакил Рамазанов...


Бусурбабазул тарихчи ва географ

ГIизудин ибну Шаддад ХӀалаби гьавуна Сириялъул ХIалеппоялда бугеб ХӀалаб шагьаралда, 1217 соналъул лъабабилеб зулхӀижа моцIалъ, гьижрияб 613 соналда. Тарихалъул ва географиялъул рахъалъ жиндирго хIалтIабазул кумекалдалъун ибну Шаддад вахъана жиндир гIасруялъул машгьурал тарихчагӀазул...


Нужее баяналъе

Авараг гьавураб сон щиб сон букIараб? – Пилалъул сон. Пилалъул сон абун щай гьелда цIар тараб? – Гьеб соналъ Абрагьат аскаргун ва пилалги рачун КагIба биххизе вачIун вукIана. Аварагасе ﷺ кьураб бищун кIудияб мугIжизат щиб букIараб? – Къуръан. Муса аварагасул...


«Инсаналъ» къотIи гьабуна

«Инсан» фондалъул генералияв директор щвана РФялъул президентасда цебе бугеб Дагъистан Республикаялъул вакиллъиялде ва гьенив дандчӀвана республикаялъул вакиласул ишал тӀуралев Нагиев Руслангун ва гьесул гьалмагъзабигун. Данделъиялда бицана цадахъ рекъон хӀалтӀиялъул бугеб кIваралъул, цадахъ...