ЗахIмат гьабуге, роххизаре...
Руччабазе цо-цо малъа-хъваял
ЯцIцIадай, намус цIунарай лъади гIадамазда гъорлъе яхъине рекъараб буго цохIо росгун цадахъ, гьев сапаралда вугеб мехалъ, гьелъие рокъоб чIейго лъикIаб бугин хъвалеб буго греказул цо гIакъилав чияс.
- Росасда гьоркьор хIеренго рукIа. Гьесда цебе берцинаб ретIел ретIе. ХIалтIуде унел ратичIони, къоялъ пижама-халгIаталъулъ хьвадуге.
- Сахаватлъиялъги берцинаб гIамалалъги рос асир гьавулей хIалимай лъадуе хIинкъизе бакI гьечIо гьев цогиялъ «викъиялда».
- Рос рокъове вачIиндал, гьесде тIаделъуге. Гьев те хIухьбахъи гьабизе.
- «Мун сундул ургъалида?» - абун гьикъуге росасда.
- ГIемерал гогьдаруге, гьаб къваригIун бугин, доб къваригIун бугин. Бугелде рецц гьабун рукIа.
- Дудаго ва росасда гьоркьор ругел масъалабазул бицунге. Росасда гIайиб бугониги, гьев лъиениги какуге.
- Якьадгун хIеренго ва гьуинго йикIа. Цинги росги вукIина гьединго дур эбелгун.
- Исламалда рос-чIужуялда тIадал шурутIал лъазаре.
- Рос рокъове вачIиндал, гьесие нуцIа рагье, урхъун йикIараблъи бихьизе. Недегьго гьиме ва къвал бай.
- Рокъоб рацIцIалъи чIезабе.
- Росасда мун берцинав, лъикIав, цIодорав вугин абе.
- Росасул гIагарлъиялъухъе телефоналъ кIалъай, гьоболлъухъе а ва нужехъего ахIе.
- Рокъоса гIебеде гIиси-бикъинаб хIалтIи гьабеян гьаре ва гьабун хадуб баркала кье, рецц-бакъ гьабе.
- Росас бицунелъухъ гIенекке. Гьелда тIасан суалал кье, интерес ва гIинтIамун букIин бичIчIизе.
- Гьес гьабулеб ишалъе рецц-бакъ ва кIвараб кумек гьабе.
- РакI-ракIалъ баркала кье кванихъги рукъалъухъги. Гьеб чIезабиги кIудияб иш буго.
- Росасда ццин бахъун йигони, «дун дуде ццидахун йиго», - ян абуге, «дуца дир ракI хвезабуна», - ян абе.
- Нужеего бокьун бугеб жо битIун абе, гьабдай, добдаян васвасдизе тIамичIого.
- ЦIакъго лъикIаб букIина лъадуца жиндиргоялдаса цIикIкIун росасул эбел-инсул адаб-хIурмат гьабизе жигар бахъани ва цо кинаб бугониги ракIбакъвай ккани, жиндиргояздаса бахчун, росасул эбел-инсуда гьеб бицани.
- ГIиси-бикъинаб жо сабаблъун питна багъаруге.
- Йоххун йикIа, махсаро-хочI гьабе, амма гIурхъи лъай.
- ГIакъилай лъади састун чIела ццин бахъарав рос ахIдон ва хьандон вахъинегIан, цинги гьев сасараб мехалъ кIалъала гьев гIодове виччазавизе ва ракIбатизабизе.
- Россабазе мутIигIлъиялдалъун лъудби мустахIикълъула реццалъе ва хIурматалъе
МухIаммад аварагас ﷺ абун буго: «Бигьа гьабе, захIмат гьабуге, роххизаре, нахъе цуге!», - ян (Бухари).
