Аслияб гьумералде

Араб соналъул хIасилал такрар гьариларо

Араб соналъул хIасилал такрар гьариларо

Араб соналъул хIасилал такрар гьариларо

ХIурматиял бусурбаби, гьале нахъеги тIадбуссунеб бугин абулеб буго гъобго вабаалъул иргадулаб гьужум. Унтиги БетIергьанасдасан бугелъул, сахлъиги Гьесдасанго буго. ТIоцебе нилъеца кумек гьаризе рекъола нилъ рижарав ва хьихьулев Аллагьасдасан. Гьелда хадуб рекъола Аллагьас гьеб унта-щокълъиялъул лъай жидее кьурал тохтурзабазул малъа-хъваялда нахърилълъине.

Бищунго гьеб унти тIибитIиялдаса цIунулеб жо ккола гIемерав чи данде руссарал мажлисал гьаричIого тей. Гьарулел ругони, гьенире инчIого чIезе хIаракат бахъи. Щибаб нухалъ гьеб унтиялъ жалго тохтурзабиги хIайран гьарулел руго, гьелда хадур гIунтIизе бажарулеб гьечIо.

Гьединлъидал бищунго лъикIаб цIуна-къай буго гIадамалгун жува-гъуван вукIунгутIи, цогидазулгун бухьен ва гьоркьоблъи гьабичIого тей. Щайгурелъул гьеб унти бахунеб буго гьавалялдасанги, ай хIухьладаса. Гьелдаса цIунизе тIад маска бани, жеги цIикIкIараб хьул букIина цIуниялъе.

Гьединал малъа-хъваял цIуничIолъиялъул хIасилалда ккараб араб соналъ нилъеда бихьана. КигIан ахIдолел тохтурзаби ругониги сунцаго нилъ кколел рукIинчIо гIадамалгун жураялдаса. ТIоцебесеб заманалдани гьелда божулелцин рукIинчIо.

Нилъер берда цере, къо-лъикI гьабизе кантIилалде гIага-божараз дунял тун ине байбихьидал хIинкъул унти ккезецин дагьаб хутIана. Гьединаб унти ккаралги дагьал гьечIо. Гьаб гIумру буго инсанасе цIакъго хирияб жо.

Щиб кьунги щивав чияс тIалаб гьабула цо къоги цIикIкIун базе дунялалда. Гьелдаса нилъ махIрум гьабулеб жоги кутакалда рихуна. Гьелде тIадеги, гIемер хIинкъиялъул кутакалъ хехаб хвалдеги рачуна.

Гьеб кинабго буго нилъер чорхолъ бугеб иманалъул загIиплъиялъул гIаламат. Иман щула гьабизе бищунго къуватаб алат ва сабаб буго Аллагьасе гьабулеб гIибадат цIикIкIинаби. Кинабго эркенаб заман вирдал гьариялда, Къуръан цIалиялда тIад хвезаби. Аллагь гIемер рехсолев чи Гьесухъ гIащикълъула, дунял рихуна, гьелъул пайда гьечIолъи бичIчIула. Хириял диналъул вацал, кIвараб яхI бахъизе ккола гIибадат цIикIкIинабизе.

ГIАБДУЛЛАГЬ МУХIАММАДОВ

2026-09-15 (РабигIул ахир 1448 с.) №18.


Авараг ﷺ лъай – гьев вокьи

Аллагьасул Аварагасде ﷺ бугеб рокьиялъ гьесул асхIабзабазул ракIазулъ хасаб бакI кколаан. Гьеб рокьи гьез загьир гьабулаан рагIудалъун ва пишабаздалъун гуребги Аварагасул ﷺ къадру цIунулел, гьесул лъикIлъаби рицунел, гьесул тIокIаб гIамал-хасият беццулел шигIрабаздалъунги.   АсхIабзабазда...


Бусурбабазул тарихчи ва географ

ГIизудин ибну Шаддад ХӀалаби гьавуна Сириялъул ХIалеппоялда бугеб ХӀалаб шагьаралда, 1217 соналъул лъабабилеб зулхӀижа моцIалъ, гьижрияб 613 соналда. Тарихалъул ва географиялъул рахъалъ жиндирго хIалтIабазул кумекалдалъун ибну Шаддад вахъана жиндир гIасруялъул машгьурал тарихчагӀазул...


ГIажаибаб мугIжизат

Къуръан ккола жибго бищун кIудияб мугIжизат. Ва щибаб нухалъ гьеб лъазабидал гIажаиблъизеги гьарула. Гьелда жаниб географиялъулги хIикматал руго.   Аллагьас ﷻ Къуръаналда абуна: وَهُوَ الَّذِي خَلَقَ اللَّيْلَ وَالنَّهَارَ وَالشَّمْسَ وَالْقَمَرَ كُلٌّ فِي فَلَكٍ يَسْبَحُون   МагIна:...


Учительзабиги кIочон течIо

Хъайтагъ районалда тӀобитӀана РабигIул аввал моцӀалъе сайгъат гьабураб гӀелмияб мажлис. Гьелда гӀахьаллъана районалъул бетӀер ХӀасанов Запир; районалъул имамзабазул советалъул председатель - Салимов ГӀабдулла; Югалъулаб территориалияб округалда Дагъистан Республикаялъул муфтияталъул вакил Рамазанов...


Гьикъизе нечараб бицине намусаб

Якьадги росги   Дир якьадалъе бокьун букIана жиндирго квартира къачIан лъугIизабизе ва гьелъ нижеда гьарана кумек. Дир росас, дидаги гьикъичIого, хIажатаб гIарац къарзалъ кьуна. ЛъагIел ана ва гьеб гIарац нахъбуссинабизе гIедегIунев чиги гьечIо. Дир рос нечола ракIалде щвезабизе ва дида...