Эбелалде

Алжанал рагьараб,
Жужахlал къараб,
Щайтlаби рухьунеб,
Рахlмат рещтlунеб,
Амлакал хlайранаб
Гlадан урхъараб,
Дуе насиблъана
Хирияб шагьру,
Моцlазул хирияб
Рамазан моцlги,
Сардазул хирияб
Рузман сордоги.
Къуръаналъул аят
Рагlалде щвана,
Будунас какие ахlиги бана,
Гlизраил малаик 

Гьоболлъухъ щвана,
Дур гlумрудул къоял
Гьелда лъугlана.

Эбел, бахъея цо свери гьаб дунялалда,
Гьаб мина бихьизе, лъимал рихьизе,
Ахираб рукъалде мунго къачlазе,
Аман тlамун тарай гьудул йихьизе.
Рукъалъ дандйитlарай ХIава йихьизе,
Вац гьечlев васасул васал рихьизе,
Гьитlинай Марямил тlанчlи рихьизе,
Мун хун хадуй гьаюн дурго цlар лъурай,
Гьитlинай Аминат каранде къазе.

МУХIАММАДИЛ ЯС ПАТIИМАТ, КЪУЛЕЦIМА РОСУ