Гьабго кинаб заман унтабаз ккураб?

Кидадай букIина гьаб унтул ахир,
Пикрабазулъ ругин киналго жакъа.
Холезулги къадар цIикIкIунеб бихьун,
Балагьлъун бихьулел руго гIемерал.

ГIасрабазул гъаталда гъорлъеги раккун,
РачIа балагьизин тарихги борхун.
Нилъер умумуца хIехьон таралде,
ЦохIо Аллагьасде хьулги рехун тун.

Гьеб хIал гуро жакъа, вацалгун яцал,
Цадахъ балагьлъун гьеб рикIкIине ккани.
Гьадинан нилъ чIани дагьабги квешаб,
Аллагьасул ццималда букIина хIинкъи.

Кьун буго Къадирас божел нилъехъе,
Нилъго кантIизелъун сабаблъун ккезе.
ЛъикI букIина жакъа муъминзабазе
Иманаб къадругун гурхIел гьаризе.

ШАМСУДИН РАСУЛОВ, ГIАНЧИХЪ РОСУ