«Ас-салам» - гIелмудул нур

«Ас-салам» казият - кутакаб гIелму,

ГIамал гьабурасе гIакъилаб гьудул.

Къойилго цIализе хIал гIечIониги,

ХIалай батула мун хIажат ккарабго.

.....

Гургинабккараб моцIрол канлъи гIадинаб,

Киналго урхъараб баркаталъул нур.

Русулазул калам кодоб босараб,

Аллагь разилъизе матIлублъун ккараб.

.....

Доба Россиялда дур бицунареб,

Батиларо гьанже цохIониги бакI.

БатIиял мацIазда мун хъвананиги,

Хисиларо кинго дур хасиятлъи.

.....

Халкъалъе хирияб, гIалам бохараб,

Бахьи бугелаца чIаго гьабураб.

ЧIалгIен буссунареб, сас къотIулареб,

Къуръан-хIадисазул тафсир гIатIидаб.

.....

ГIалимаз, цIалараз тIад кверги бахъун,

ЦIидасан биччалеб щибаб нухалда.

ВагIза-насихIатаз жаниб бачараб,

Щукру Аллагьасе, мун батаралъухъ.

МУХIАММАДХIАБИБ САГIИДОВ, ГЪУНИБ РАЙОН, КIУЯДА РОСУ.