Аслияб гьумералде

Как ахIи

Как ахIи

Как ахIи
Будунасул как ахIи
Зобалазде бахунеб,
Ракьалда ругелазги
Гьелъий жаваб гьабулеб.

Чанги ахIулеб какикь
Рогьалилъ чи ворчIула,
КIвахIги къинабун инсан
ХъваштIан тIаде вахъунев.

Берцин ахIулеб какалъ
Исламалде рачана,
ЖамагIат цолъизабун
Умумул берцинлъана.

Как ахIулеб лахIзаталъ
ДугIа къабулаб бугеб,
Къойил ахIулеб какил
Кири мухIканаб бугеб.

Как ахIулеб гIужалда
Малаикал рачIуна,
Гьелъухъ гIенеккарасе
ГIатIидаб кири щола.

Как ахIулеб гIужалда
ШайтIаби рачахъула,
Щулияб иман гьечIев
ЧIовогоги хутIула.

Как ахIулеб гIужалда
ГIаламатал лъугьуна,
МугIрул-щобазда жаниб
Какил гьаракь кунчIула.
Как ахIулеб гIужалда
РакI хIалакун кIетIола,
Какил заман щванилан,
КватIун данде кколарин.
Как ахIулев чиясги
ШафагIаталъ росула,
Къиямасеб къоялда
Гьесул пайда хIакълъула.
Будунасул ахIиги
Аллагьасул ахIийин,
АхIаралъуре ине
Аллагьас квербакъаги.

МУХIАММАДХIАБИБ КАЛАСОЕВИЧ

2026-09-15 (РабигIул ахир 1448 с.) №18.


Аллагьас ﷻ цIунула

Балагь, рекIее хIалхьи толарел ахIвал-хIалал ва захIмалъаби тIаде рачIуна нилъер щивасде. Гьаб дунялалъул рукъ гьедин гIуцIарабги буго. Амма нилъер гIумруялъул аслулъун бугеб мурад ва гьаб дунял жидее щиб бакI бугебали бичIчIи бугез дандчIварал къисматалъул киналго захIмалъаби къвакIун хIехьола....


Якутскиялда «Лъаялъул сордо»

Якутскиялъул аслияб мажгиталда тIобитIана МухIаммад аварагасул ﷺ хIурматалда «Лъаялъул сордо» абураб цIаралда гъоркь тадбир. Гьелда гIахьаллъи гьабуна ДРялъул муфтияталда цебе бугеб регионалияб цебетIеялъул департаменталъул нухмалъулев АхIмад Надирбеговас ва гьесул заместитель ГIизраил...


Мадраса рагьана МагIлибги

Хьаргаби районалъул МагIли росулъ рагьана цIияб мадраса. Гьелъие цIарги кьуна Дагъистаналъул муфти, шайих АхIмад-афандиясул. Мадрасалда чIезарун руго киналго шартIал. Руго цIалул кабинетал, библиотека ва мутагIилзабазе хIажатабщинаб. Мадраса рагьиялъул хIурматалда тIобитIана динияб мажлисги....


Суал-жаваб

Хабалъ ракIгъеялъул как кин балеб? ШафигIияб мазгьабалъул кIудияв гIалим Сайид МухIаммад Журданияс «ФатхIул ГIаллам» абураб тIехьалда хъван буго: «Гьел суннатал каказдасан ккола хабалъ ракIгъезабиялъул какги. Аварагас ﷺ абун буго: «Хварасе тIоцебесеб сордоялдаса захIматаб...


ГIажаибаб мугIжизат

Къуръан ккола жибго бищун кIудияб мугIжизат. Ва щибаб нухалъ гьеб лъазабидал гIажаиблъизеги гьарула. Гьелда жаниб географиялъулги хIикматал руго.   Аллагьас ﷻ Къуръаналда абуна: وَهُوَ الَّذِي خَلَقَ اللَّيْلَ وَالنَّهَارَ وَالشَّمْسَ وَالْقَمَرَ كُلٌّ فِي فَلَكٍ يَسْبَحُون   МагIна:...