Аслияб гьумералде

Хабаде зиярат гьаби

Хабаде зиярат гьаби

Хирияб хIадисалда буго: «Дица нуж хабалазде зиярат гьабиялдаса нахъчIван рукIана, гьанже нужеца гьенибе зиярат гьабе», - ян (Тирмизи). Цогидаб риваяталда буго: «Гьелъ нужеда ахират ракIалде щвезабула ва дунял рихинабула», - ян.

Имам МахIалияс «ШархIул Мингьаж» абураб тIехьалда рехсолеб буго гьадинаб хIадис: «Жинца хIеж гьабурав ва дихъе зиярат гьабичIев чи ккола дидехун хъачIлъарав чи», - ян абун. Цоги хIадисалда буго: «Дун ахираталде ун хадуб дихъе зиярат гьабун вачIарав чи, дун чIаго вугеб мехалда зиярат гьабурав гIадин вуго», - ян.

Аварагасул гьал рагIабазулъ нилъеда бихьулеб буго зиярат гьабизе бегьи хIатта хирияб гIибадатлъунги бугеблъиги, гьедин аварагас жинцаго гьабунги бугелъул.

Щайин абуни, ГIаишатидаса бицараб хIадисалда буго: «Аварагас сардил ахиралда вахъун БакъигIалъул хабалазде ун, гьенир ругезе саламги кьун дугIа гьабулаан», - абун (Далилул фалихIин).

Аварагзабазул, вализабигIалимзабазул хабаде зиярат гьаби суннатаб буго бихьиназеги руччабазеги ян хъван буго «ИгIанату тIалибин» абураб тIехьалдаги. Аллагьас бичIи кьегиха.

ХIадисазда гьедин абулеб бугелъул, суннатаб буго нилъерго хваразде зияраталъ инеги. Хасго рекъараб буго эбел-инсул хабаде щвезе ва гьениб дугIа алхIам гьабизе.

ХIакимица Абу Гьурайратидасан бицараб хIадисалда буго: «Щибаб рузманкъоялъ эбел-инсул яги цоязул хабаде зиярат гьабурав чиясул Аллагьас мунагьал чурула ва эбел-инсуе мутIигIавлъун вукIанинги хъвала», - ян.

Абу-Гьурайратидасан бицараб цоги хIадисалда буго: «Аварагас жиндирго эбелалъул хабаде зиярат гьабуна. Гьев гьенив гIодана ва сверухъ рукIаралги гIодана», - ян.

Хабалазде щведал асхIабзабазда гьадин салам кьезе малъулеб букIун буго Аварагас : «Ассаламу гIалайкум агьла ддияри минал муъминина вал муслимина. Ва инна ин шаа Ллагьу бикум лахIикъуна. Асъалуллагьа лана ва лакум алгIафията».

Анасидасан бицараб хIадисалда буго: «Щив чи вугониги хабалаздеги ун, гьениб сурату «Ясин» цIаларав, гьеб къоялъ хваразе гIазаб бигьа гьабула, хварал рикIкIун гьесие кириги хъвала», - ян (ТIабарани).

МУХIАММАДГIАРИФ КЪУРБАНОВ

2026-09-01 (РабигIул аввал 1448 с) №17.


Тафсир агьлуялъул маяк

Имамзабазул, хасго чIахIиял гIалимзабазул къимат лъала гьезул таржама гъваридго лъазабидал. Гьелдаго цадахъ имам вокьизеги вокьула. Амма лъаларев чи вокьизе кIоларо. Аварагас ﷺ абухъе, гIалимзаби ккола гьесул ирисилал. Щайгурелъул, Аварагас ﷺ жинда хадуб тола гIелму. Гьел ккола гьеб ирс босулел ва...


Щал кколелали бихьизабуна

Нилъер диналда жаниб кутакаб бакI кколеблъун буго аманат, божилъи гьабураб тIубазаби, ритIухълъи цIуни абураб иш. Гьебги гIицIго гьабулеб гIадатияб ишалда хурхин гуреб, муъминчиясул гIумруялъул Аллагьасулгун ﷻ жиндир бугеб гьоркьоблъиялдаса байбихьун ва хIатта хIайваназул ургъел гьабиялде щвезегIан...


Нужее баяналъе

1. Муъминун абун сураялда щай абураб? – Муъминзаби ва гьезул сипатал рехсеялъ. 2. Чан сураялда рехсараб дунял хIайгIадинаб жо бугин абун? – Ункъо сураялда: «АнгIам», «ГIанкабут», «МухIаммад», «ХIадид». 3. ШайтIаналъул хъаравулзаби абун...


Гьикъизе нечараб бицине намусаб

Лъимер хьихьизе бачине бокьун буго     Дир йикIана яс. Гьей унтана ва къадаралда щвана. Гьеб ками цIакъго захIмалъана. Лъимер гьабулеб ригьалда гьанже дун гьечIо, амма лъимер хьихьизе бачине бокьун буго. Аллагьасда ﷻ цебе гьеб лъимер дирлъун лъугьунищ?   Ш.,...


Камиллъарав авараг

Нилъее мисаллъун ва шаригIат малъизелъун Аллагьас ﷻ витIарав чи вуго хирияв МухIаммад авараг ﷺ. ТIадегIанав Аллагьас ﷻ Къуръаналда абун буго (магIна): «Аллагьасул расуласда буго нужее, я муъминзаби, берцинаб нахърилълъин…». (Сура «ал-АхIзаб», аят 21).   Нужеца...