Аслияб гьумералде

Берцинаб калам

Берцинаб калам

Аллагьас Къуръаналда, суратул «Къафалъул» 18-абилеб аяталда, абулеб буго (магIна): «Цониги чи кIалъаларо лагъас бицанщинаб жидеца хъвалел Ракъиб ва ГIатид абун кIиго малаик аскIов вукIун гурони», - ян.

Имам Маликица «МуватIаъ» тIехьалда хъвалеб буго: «ГIиса авараг ва гьалмагъзаби унел рукIана пуланаб нухдасан ва гьезда бихьана болъон. Цинги ГIиса аварагас гьелда абуна мун дурго нухдасан а, дица дуе зарал гьабизе гьечIо», - ян. Гьалмагълъиялъ цIехана гьедин берцингойищ болъоналда кIалъазе кколевилан.

ГIиса аварагас гьезие жаваб гьабуна: «Дун хIинкъула дир мацI ругьунлъизе гурин квешаб ва сурукъаб каламалдалъун кIалъаялде», - ян.

ГIиса авараг вукIана сверухъ ругел гIадамазда адабал малъулевлъун ва гIадамазда рихараб, къабихIаб, сурукъаб каламалдаса гьел нахъчIвалевлъун. Гьанже пикру гьабе, аварагзабазул нухдасан нилъ унел ругищали, кинаб калам гьабулеб бугебали, нилъер бицунебги гьабулебги Алжаналъул агьлуялъул пиша бугищали?

ГIиса аварагас болъоналдацин абичIел рагIаби нилъеца бищун хира гьавун Аллагьас вижарав инсанасда абула цIакъ бигьаго. Умумузул аби буго, берцинаб рагIи - рекIелъе лъураб нух бугин абураб. Аллагьас нилъ ругьун гьареги берцинаб ва гьуинаб кIалъаялда.

МУХIАММАДХIАБИБ САГIИДОВ, КIУЯДА РОСУ.

2026-09-15 (РабигIул ахир 1448 с.) №18.


Сапаралда кинав вукIарав Авараг ﷺ?

Сапар буго инсанасул гIумруялъул цо бутIа. Муъминзабазе гьеб ккола Аварагасдаса ﷺ мисал босун ТIадегIанав БетIергьанасде ﷻ гIагарлъизе рес щвейги. Нилъер Аварагас ﷺ нухда кинаб хьвада-чIвади букIине кколебали малъа-хъваял гьари гуребги, жиндирго мисалалдалъунги бихьизабуна сапаралда ругелъул...


Муфти дандчIвана Сулеймангун

Дагъистаналъул муфти, шайих АхӀмад-афандица, ГӀиса аварагасул цIаралда бугеб централда къабул гьавуна Гъарабудахкент районалъул Параул росулъа гӀараб каллиграфиялъул устар Аширлаев Сулейман. Гьес сайгъат гьабуна хирияб Къуръаналъул жинцаго квералъ хъвараб, цогидаздаса батӀияб нусха. ГӀага-шагарго...


Египеталде сапар

Египеталде сапаралъ араб Дагъистаналдаса делегация дандчӀвана Вакъфазул рахъалъ министр Усама ал-Азгьаригун. Дагъистаналъул делегациялда гъорлъ рукӀана: ДРялъул диниял суалазул ва миллияб политикаялъул министрасул заместитель ТӀагьир Сутаев, министрасул кумекчи ГӀабдулбасир Абакаров, ДРялъул...


Берцинлъи гьаби

Инсанас ретIулеб ретIелги берцинлъиялъе хIалтIизе гьарулел жалги хIалалал рукIуна, гIаммаб куцалда босани. Кинниги гьезда гъорлъ руго хIалтIизаризеги ва гьездалъун къачIадизеги бегьуларел жалги.   Гьел киналго хIалтIизаризе бегьулел жал руго Аллагьас нилъее дунялалда ругебгIан заманалъ...


Къинал руччабазе малъа-хъваял

Лъимер гьабизе йигеб заман буго цIакъ кIвар бугеб гIуж. Гьеб заманалда, хасго чIужугIаданалъ, жиндирго сахлъи ва рацIцIалъи, кванил ва цогидалъулги низам цIунизе ккола. Гьединго халкквезе ккола тIад ретIунеб ратIлида хадубги. Лъимер ва жийго квачалдаса цIунизе ккола, тIадкъараб ретIел, угъдул...