Аслияб гьумералде

ХIажатаб заманалда щвараб кумек

ХIажатаб заманалда щвараб кумек

ХIажатаб заманалда щвараб кумек

МахIачхъала шагьаралъул МФЦялъул хIалтIухъан ГIалиев СаидахIмад щвана ЛъаратIа райбольницаялде. Гьесда цадахъ рукIана ЛъаратIа районалъул имамасул заместитель МахIмуд МухIамадов, «Инсан»’ фондалъул нухмалъулев Макъсуд ИсмагIилов, районалъул имам МухIаммад АхIмадов, лъай кьеялъул идараялъул нухмалъулев ШагIбан Ибрагьимов, ЛъаратIа росдал депутат СагIду Давудов.

Гьалбадерида дандчIвай гьабуна бетIерав тохтурасул заместитель ХIабиб Рамазановасул бетIерлъиялда, больницаялъул тохтурзабаз. ХI .Рамазановас баян гьабуна коронавирусалъул унтуда хурхун больницаялда бугеб ахIвал-хIал ва бицана щивав унтарав хвасар гьавизе тохтурзабаз бахъулеб бугеб хIаракаталъул хIакъалъулъ.

ЛъаратIа районалъул жамагIаталъул рахъалдасан М. ИсмагIиловас больницаялъе кьуна ковидалъ унтаразе хIухьел цIаялъе кумекалъе хIажатаб лъабго аппарат. Гьел аппаратал руго учузаб багьаялде Ислам Нургьудаевас ричарал. ХI. Рамазановас баркала загьир гьабуна хIажатаб заманалда больницаялъе гьабураб кумекалъухъ. «Гьеб буго кIвар бугеб ва жиндир заманалда щвараб кумек. Бищунго хIажатаб заманалда аскIор ратана нуж», - илан абуна баркалаги кьолаго гьес.

2026-09-15 (РабигIул ахир 1448 с.) №18.


Сахаватав инсан

Нижер росулъа сахаватав инсан Чарандал вас ГIамиргIалица жиндирго инсул букIараб мина къачIазеги къачIан кьуна росдал мадрасалъе. Киналго росдал гIадамал кутакалда рохун ва разиго руго ГIамиргIалица гьабураб гьеб баракат цIикIкIараб ишалдаса. Гьанже рес рекъана мадрасаялда лъимал ва чIахIиял...


Тохав чиясул нух

Абу-Гьурайратидасан Бухарияс бицараб хIадисалда аварагас ﷺ абулеб буго: «Аллагьас ﷻ абуна, щив чи вугониги дир валиясе зарал гьабун (жинца гьев тушманлъун ккун, гьесда ццим бахъун), дица гьев чиясда рагъ лъазабула», - ян. Жинда Аллагь ﷻ гурхIаяв Факигьанияс абуна: «Щив чи вугониги...


Сапаралда кинав вукIарав Авараг ﷺ?

Сапар буго инсанасул гIумруялъул цо бутIа. Муъминзабазе гьеб ккола Аварагасдаса ﷺ мисал босун ТIадегIанав БетIергьанасде ﷻ гIагарлъизе рес щвейги. Нилъер Аварагас ﷺ нухда кинаб хьвада-чIвади букIине кколебали малъа-хъваял гьари гуребги, жиндирго мисалалдалъунги бихьизабуна сапаралда ругелъул...


Нужее баяналъе

Авараг гьавураб сон щиб сон букIараб? – Пилалъул сон. Пилалъул сон абун щай гьелда цIар тараб? – Гьеб соналъ Абрагьат аскаргун ва пилалги рачун КагIба биххизе вачIун вукIана. Аварагасе ﷺ кьураб бищун кIудияб мугIжизат щиб букIараб? – Къуръан. Муса аварагасул...


Кванил адабал

Кваназе байбихьилалде цин кверал чурила, гьелъ кванида баракат лъола, цинги «Бисмила» бахъила ва абила: «Аллагьумма барик лана фима разакътана ва къина гIазаба ннари», - абун. Кваналев чиясул ниятги букIина диналъе къуват бачIинеян абураб. Гьединаб ниятгун кванани, квенги...