Машгьураб больница
Машгьураб больница
Гьединаб больница буго МахIачхъалаялда, Сепараторазул поселокалда. Дида гьеб больницаялъул, унтаразе гьенир чIезарун ругел лъикIал шартIазул, сахаватал тохтурзабазул хIакъалъулъ бицунеб рагIун букIана цебего.
Дун вегун вукIараб хирургияб отделениялда тIад кIалъазе бакI гьечIоан. ГIадатияв хIалтIухъанасдаса отделениялъул заведующиясде щвезегIан, киналго ратана жиде-жидер хIалтIи ракIбацIцIадго гьабулел ва аскIове вачIарасде адабалда кIалъалел чагIи.
«Ас-салам» казият гьоркьоб ккун бокьун буго гьал хадур рехсарал тохтурзабазе баркала кьезе:
МухIаммадов Сапарча-мухIаммад, хирургияб отделениялъул заведующий; МухIучиев ГIалибег-хIажи, тохтур; Шарипова Салимат, тохтур; СагIидова Зарема, кIудияй медсестра; Ибрагьимова ПатIимат, медсестра; МухIаммадгIарип, невролог; ГIабдуллагь МухIаммадов, терапевт.
Дирго ва цадахъ палатаялда рукIаразул рахъалдаса ракI-ракIалъ гьарула гьезие щулияб сахлъи, рохел ва гьабулеб хIалтIулъ битIккей.
