Баркала тохтуразе

«Ас-салам» казият гьоркьоб ккун Гъуниб районалъул КIуяда росулъа Ибрагьимовазул хъизамалъул агьлуялъе бокьун буго баркала загьир гьабизе, Гъуниб райбольницаялъул хIалтIухъабазе.

Нижер эбел Шамсият Ибрагьимова захIматго унтун егун йикIараб заманалда гьенир ругел хIалтIухъабаз гьабураб гIаданлъи киданиги кIочон теларо. Хасго баркала буго тохтур Шамил Къурбановасе ва Шагьрузат АхIмадовалъе.

Къварилъи бачIиндал
КъваригIуна чи,
Къваридал къояца
Загьирлъана нуж.
Нижер хирай эбел
Унтарал къояз,
Къаданир чIарал нуж
Кинан кIочонел.
Ургъалица цIурал
РакIал гьинтизе,
РакIбатулеб калам
Гьабуралги нуж.
Гьабураб дарудул
ХIасил цIикIкIунеб,
ХIалимаб рагIудул
БетIергьаби нуж.
ХIалимлъи бергьарав
ХIикматав тохтур,
Шамилил рагIабаз
ХIалхьезабуна.
Кинабго коллектив,
ТIолабго къокъа,
Къвал къалел нужеде
Халкъул аманат.
Нижер эбелалъе
Сахлъи батидал,
Сахабщинаб гьари
Нужее буго.
Налъулаллъун руго
Нужей гIумруялъ,
ГIумруялъул канлъи
Нижей цIунидал.
Я, Аллагь, хутIаги
Нуж рохалида,
Халкъалъул тIалабал
ТIокIкIун тIубалел.
ТIолго гIумруялда
Лъеги баракат,
ЛъикIаб сахлъиялда
Район хIебтIизе.