ХIажаталъув ватулев
ХIажаталъув ватулев
Шамхал поселокалда гIумру гьабун руго лъикIал, сахаватал гIадамал. Гьезул цояв ккола Хизри ПасихIов. Гьев вуго чара гьечIого жамагIаталъе хIажатав чи.
Чи хвараб бакIалда тIоцебе Хизри тIалаб гьавула, гьес хабалазда гIадлу чIезабун буго. Жаназа чуриялдасан байбихьун, лахIдуялъув хварав лъезегIан кинабниги иш Хизрил нухмалъиялда гъоркь уна.
Мажгиталда жаниб рацIцIа-ракъалъи гьабиги Хизрил бербалагьиялда гъоркь букIуна. Гьабулебщинаб жо гьес цIакъ рекъезабула.
Гьес цIалула мавлидалги. Гьес гIемер абула: «Туда ходи, сюда ходи, но иногда и в мечеть заходи», - ян абунги.
ЖамагIат цIакъ рази буго Хизридаса ва гьарула гьесие щулияб сахлъигун халатаб гIумру.
