Щивго кIочон гьечIо...
Чупалаев Абубакар гьавуна 1913 соналъ Буйнакск районалъул Дурангъи росулъ. Хадур балагьун хъизамги тун, 1941 соналда Абубакар ана рагъде, хирияб ватIан цIунизе.
Гьес гIахьаллъи гьабуна Белоруссия, Венгрия, Прага, Украина ва Чехословакия эркен гьабиялъе гIоло ккарал рагъазулъ. Гьесул рекIелъ бищунго асар хутIараблъун ккана Курскиялъул горсверуда букIараб рагъ.
1945 соналда Абубакарица гIахьаллъи гьабуна Берлин бахъиялъе гIоло гьарурал рагъазулъги.
Абубакарил каранда бана «Багьадурлъиялъе гIоло» медаль, «За освобождение Белоруссии», «За освобождение Венгрии», «За освобождение Украины», «За Прагу», «За взятие Берлина» медалал.
Рагъ лъугIидал Абубакар тIадвуссана ватIаналде.
Гьесул рукIана кIиго вас - ГIамаги МухIамадги, лъабго яс - Аминат, Саният, ПасихIат.
1963 соналда Абубакар къадаралде щвана.
