Аслияб гьумералде

Мажгит цIи гьабуна

Мажгит цIи гьабуна

Шамил районалъул ГиницIороб росулъ букIана басриябго мажгит. Рес букIинчIо гьеб цIи гьабичIого. Гьединаб хIалги бихьун, хIалтIи гьабизе цеве вахъана Хириясул МухIаммад.

Амма гьев Аллагьасул ﷻ къадаралде щвана. Кин бугониги гьес байбихьи лъураб иш рагIалде бахъинабизелъун хIалтIана росдал жамагIат. ХIажатал сурсатал чIезаризе кумек гьабуна шагьаралда гIумру гьабулел росуцоял Гъазибеговаз, ГъазимухIаммадоваз, ХириясулмухIаммадоваз, ГIамир-хановаз, ГIамаеваз, Хайрулаеваз, Малилаеваз ва цогидазги. Кирпичалдалъун кумек гьабун букIана мунагьал чураяв Шабанов МухIаммадица. Кумекалъе рачIана мадугьалихъ росабалъа жамагIаталги. Гьезиеги буго баркала.

Гьаракь берцинав будун

Росдал мажгиталда будунлъи гьабулеб буго ГIамирханил Лабазанил вас МухIаммадица. ГIолохъанаб заманалда пединститутги лъугIизабун росулъе учительлъун хIалтIизе вачIаралдаса, МухIаммадица, щибго мухьги босичIого росдае будунлъи гьабулелдаса 22 сон буго. Гьесул как ахIулеб гьаракь рагIула сверухъ ругел Зивуриб, ТIелекь, ТIогьохъ ва цогидалги росабалъе.

МухIаммад цохIо будунлъи гьабунги чIоларо. Гьес росдал гIи-боцIул гIадлу-низамги гьабула. 

Рорхатал мугIрузда, магIарул росулъ
Будунасул гьаракь рагIулеб буго.
Аллагь кIодо гьавун, такбирги бачун
ХIабибасул уммат хвасар гьабеян.

Заирбег МухIаммаднабиев, Шамил район, ТIогьохъ росу

2026-04-01 (Шаввал 1447 с.) №7.


«Щибаб рокъобе нигIматал»

Гьединаб ахIиялда гъоркь, «Инсан» фондалъул Болъихъ районалда ругел волонтёразул централъ, тIобитIана акция. Акция тIобитIулебгIан заманалда жаниб «Инсан» фондалъул приложениялдасан лъазабун букIана 180 000 гъурущ бакIарулеб бугилан абун. Къокъабго заманалда жаниб гьеб бакIарана ва 300 килограмм...


Къабуллъизе ккани

ТIадегIанав Аллагьас ﷻ нилъ ахIулел руго Гьесда гьареян ва гьарараб къабул гьабизе бугилан. Амма бусурбанчиясул щибаб ишалъул руго шартIал, суннатал, бегьулел ва хIарамал жал.   ДугIа къабуллъиялъе руго рихьизарурал бакIал ва заман. Гьедин гьабурасул дугIа къабуллъиялде цIикIкIун хьулги...


Муфти дандчIвана хIафизгун

ДРялъул муфти, шайих АхӀмад-афанди дандчӀвана, хирияб рамазан моцӀалъ таравихӀалъул каказда гӀахьаллъизе республикаялде вачӀун вукIарав машгьурав хӀафиз Сиратуллагь Рауповгун. Гьез бицана хирияб Къуръан малъиялъул, рекӀехъе лъазабиялъул къагIидабазул хIакъалъулъ.


Нахъе къан чIоге

Лъица Аллагьасул диналъул рахъ кквезе ва гьеб цебе бачине кколеб? Гьеб суал буго цIакъ кIвар бугеб. ХIатта гIадатго нилъеца кколин абуниги. Как балел, мажгитазде хьвадулел, диналде гIагарлъизе хIаракат бахъулел чагIи руго, тIоцебесеб иргаялда, имамасдеги, гIелмуялдеги гIагарал чагIи.   Нилъеда...


ХIикматал махлукъатал

Медуза   Медузаялда абизе бегьула хIакъикъа-талдаги хIикматаб рухIчIаголъийилан. ГIалимзабаз чIезабун буго гьез гIумру гьабулеб букIанин 600 миллион соналъ цебе ва чанго нухалда дунял хваниги гьел чIаго хутIанин абун.   Гьезда гьечIо ракI, гьуърал, гIадалнах, ракьа. Амма лъала чан...