Рогьалил как - имамасда цадахъ
Рогьалил как - имамасда цадахъ
Гъизилюрт районалъул Султанянгъиюрт росдал школлъималазда гьоркьоб лъазабун буго «40 къоялъ рогьалил как имамасда цадахъ» абураб конкурс.
Гьелда гIахьаллъи гьабулеб буго нусгоялдасаги цIикIкIун лъимералъ. ГIадатиял къояз лъималаз как бала жидер минабазда аскIор ругел авал-мажгитахъ, гьатIаналъин абуни киналго рачIуна аслияб мажгиталде.
Гьеб къоялъ росдал имамас лъималазе гьарула батIи-батIиял конкурсал, жамагIатчагIаз чIезабун букIуна кваназе гьуинлъаби, чай, кофе.
Иргадулаб нухалда лъималазда дандчIвай гьабизе вачIун вукIана шаргIиял гIелмабазул доктор Аргъваниса МухIаммад.
Гьединал данделъабаздаса лъималги цIакъ рази руго.
ЦIараб заман лъугIидал тIобитIизе буго хIасил гьабиялъул тадбир ва можоро бергьаразе кьезе руго шапакъатал.
