Аслияб гьумералде

Баркалаялъул кагъат

Баркалаялъул кагъат

Дун ккола Шамил районалъул ХIорода росулъа Расулова ПатIимат Зубаировна.  Дагьаб цебегIан егун йикIана ХIебда бугеб райбольницаялъул хирургияб отделениялда.

 

Гьенир ратана цояздаса цоял лъикIал тохтурзаби, сестраби, санитаркаби. Гьединлъидал, казият гьоркьобккун, щуабилеб палатаялда регун рукIаразул рахъалдасан ракI-ракIалъулаб баркала загьир гьабизе бокьун буго отделениялъул нухмалъулев Магьдиев ГIумарасхIабие.

ГIумарасхIаб щибаб къойил вачIунаан палаталде ва цIех-рех гьабун, регаразул ракI батулеб калам гьабулаан. 

Дица гьениб бана 12 къо, АлхIамдулиллагь, саламатаб мадарги лъугьана.

Гьединго баркала кьезе бокьун буго: Х. ГъазимухIаммадовалъе, Р. МухIаммадовалъе, Н. МухIаммадовалъе, С. МуртазагIалиевалъе, П. МухIаммадовалъе, Р. МухIаммадовалъе, С. Къурбановалъе, С. ГIабдулаевалъе, М. Къурбановалъе.

Аллагь разияб гIумру кьеги киназего, лъимал-хъизамаздаса, гьабулеб ишалдаса рохун хутIаги.

 

2026-09-01 (РабигIул аввал 1448 с) №17.


ДугIаялъул хиралъи

ДугIа гьаби ккола гIибадаталъул ракI гIадаб жо. ДугIа гьабиялда жаниб лагъас жиндирго мискинлъи, гIодовегIанлъи, Аллагьасде ﷻ живго хIажалъи, Аллагьасул ﷻ бечелъи загьир гьабулеб буго. Кинабго жоялъулъ Аллагьасде ﷻ гьардолел рукIине ккола. Нилъее, Аллагьас ﷻ кьураб гурони, щибго жо...


Аварагасул ﷺ ирсилазул цояв

(Байбихьи цересел номералда)   Гьелдаса хадуб рагьун дин биччазегIан гьев мубарак жиндирго цIулал хIалтIиги гьабун гIадамазда гьоркьов гIадатияв чилъун вукIун вуго. Дагъистаналде зияраталъ вачIанщинахъе гьес рещтIен гьабулеб букIун буго ХасмухIаммад-хIажиясухъ. Гьесул гIумрудул цIех-рех...


ХIалтIи лъикI букIине

Гьабулеб хIалтIи-пиша лъикI букIине (баракат) бокьарас тIадчIей гьабила щуго жоялда.   ХIалтIи сабаблъун Аллагьас ﷻ тIадкъарал жал нахърахъуге ва кIарчанлъиги гьабуге. Жиндир заманалда тIадкъарал жал тIурани, хайир батила. ХIалтIи сабаблъун Аллагьасул ﷻ махлукъат хIакъир гьабуге. Нилъер...


Гьикъизе нечараб бицине намусаб

Лъимер хьихьизе бачине бокьун буго     Дир йикIана яс. Гьей унтана ва къадаралда щвана. Гьеб ками цIакъго захIмалъана. Лъимер гьабулеб ригьалда гьанже дун гьечIо, амма лъимер хьихьизе бачине бокьун буго. Аллагьасда ﷻ цебе гьеб лъимер дирлъун лъугьунищ?   Ш.,...


ЦIар кинаб лъелеб?

Гьабун анкьабилеб къоялъ лъимералда цIар тезе суннатаб буго. Реххараб лъимералда рухI лъун букIун батани, гьелдаги цIар тезе суннатаб буго. Реххараб лъимер васищ яги ясищали батIа бахъизе лъачIони, кIиязего бегьулеб цIар лъела, масала, ТIалхIат, ХIамзат, Майсарат гIадал. Реххараб лъимералда...