Ракl разияб сапар
Ракl разияб сапар
ЦерегIан моцIаз лъикIал гIадамалгун цадахъ дун яхъана сапаралъ ГIумраялде. Дида цадахъ ккана цIакъ иман бугел чагIи, гьел рукIана Шамил районалъул Бакълъухъ росулъа.
Иман бугел чагIи киреха инел, гьениб нижее хIажатаб чIезабун батаниги, къваригIараб кумек гьабуниги, нухда унелъул квер ккун ине кколеб бакI бихьизабун, цIализе кколеб малъун, бажарараб гIаданлъи гьабуна Рукъиятицагун ГIашура абурал диналъул яцаз. Жеги жиндир гIумругун соназда баракат лъеяв цадахъ вукIарав диналъул вац МухIаммад-хIажица ниж рачана батIи-батIиял зияратазде. Щвана ГIарафа магIарде, Минаялде, Савру нохъоде, Мажгитул къиблатайн, Мажгитул къуба, Мажгитул гъамама, Билал-асхIабасул мажгит, Абубакар-асхIабасул мажгит, ГIали-асхIабасул мажгит гIадал цIарал кьурал хириял Аллагьасул рукъзал рихьизе.
Гьаризе бокьун буго гьел сахаватал гIадамазе чорхое сахлъи, диналъе къуват, нижгIан разияб дунялги ахиратги кьеги Аллагьас нуже, диналъул яцал ва вацал.
ХIеж ккола исламалъул анлъабилеб арканлъун,
Сахлъиги боцIи-малги бугесда тIалъулеб жо.
Щивав бусурбанав чи гьениве ине кколин,
Паризаяб хIеж буго, хIаракат бахъе, яцал.
