Аслияб гьумералде

ХIафизасул хIурматалда

ХIафизасул хIурматалда

Къимат тIадегIанаб Къуръан рекIехъе лъалезул къецазда тIоцересезул кьерда вугев ХIажимусаев ГIалимирза ккола ЛъаратIа районалъул ЦIумилухъ росулъа. Гьесул эмен ХIажимуса лъаларев чиги районалдаго ватиларо. Гьес Къуръан цIалиялъул дарсал кьуна райцентралдаги, росабалъги. Гьесул дарсалги тарбияги щвана васасеги ва школалда цIалулеб мехалдаго ГIалимирзаца гIахьаллъи гьабулаан диниял тадбиразда.

 

12 сон байдал, ГIалимирза цIализе лъугьана МахIачхъалаялда бугеб хIафизазул мадрасалде. ЦIалана ункъо соналъ. Цинги цIализе лъугьана Дагъистаналъул исламияб университеталде. Гьанже кIиабилеб сон буго ГIалимирзал Дагъистаналъул гуманитарияб институталда цIалулев вугелдаса.

Гьесул бергьенлъабазул бицани, рехсела цо чангояб. Масала, 10 жуз рекIехъе лъаялъул мурадалда Губденалда тIобитIараб республикаялъулаб конкурсалда ккуна тIоцебесеб бакI. Гьебго 10 жуз лъаялъул рахъалъ ТIолгороссиялъулаб конкурсалда ккуна кIиабилеб бакI. ТIолабго Къуръан рекIехъе лъаялъул рахъалъ Дилималда тIобитIараб республикаялъулаб конкурсалда - тIоцебесеб бакI. СагIудиязул ГIарабиялда, тIолабго Къуръан рекIехъе лъаялъул рахъалъ, онлайн-режималда тIобитIараб халкъазда гьоркьосеб конкурсалда - тIоцебесеб бакI. Саратовалда тIобитIараб,  Къуръан рекIехъе лъаялъул рахъал конкурсалда - лъабабилеб бакI.

ГIалимирзае гьарула щулияб сахлъи, талихIаб, рохалилаб гIумру ва жеги чIахIи-чIахIиял бергьенлъаби росизе гьунарги тавпикъги. 

Бергьенлъиги босун росулъе вачIунев ГIалимирзада лъикIаб дандчIвай гьабуна районалъул жамагIаталъги. Культураялъул кIалгIаялда тIобитIана мавлид, гьаруна лъикIал насихIатал, рукIана ГIалимирзал хIакъалъулъ гьарулел кIаллъаял, школлъималазул церерахъинал, кьуна хIафизасе сайгъатал.

>

 

 

Къурбан ГIумаров, ЦIумилухъ росу

 

 

2026-09-15 (РабигIул ахир 1448 с.) №18.


Ракьулъ бижулеб гIурдахIан

Камъат (гIараб мацIалда факъгI абунги лъала, гIурус мацIалда трюфель) ккола ракьулъ бижулеб кваназе бегьулеб гIурдахIан. Хасго гьеб гIемер батула ГIагараб Машрикъалъул ва Шималияб Африкаялъул авлахъазул гIатIилъабазда, гьениб гьеб загьирлъула цIад бан хадуб. Гьеб гIажаибаб ракьалъул нигIматалъе...


Якутскиялда «Лъаялъул сордо»

Якутскиялъул аслияб мажгиталда тIобитIана МухIаммад аварагасул ﷺ хIурматалда «Лъаялъул сордо» абураб цIаралда гъоркь тадбир. Гьелда гIахьаллъи гьабуна ДРялъул муфтияталда цебе бугеб регионалияб цебетIеялъул департаменталъул нухмалъулев АхIмад Надирбеговас ва гьесул заместитель ГIизраил...


Кванил адабал

Кваназе байбихьилалде цин кверал чурила, гьелъ кванида баракат лъола, цинги «Бисмила» бахъила ва абила: «Аллагьумма барик лана фима разакътана ва къина гIазаба ннари», - абун. Кваналев чиясул ниятги букIина диналъе къуват бачIинеян абураб. Гьединаб ниятгун кванани, квенги...


Учительзабиги кIочон течIо

Хъайтагъ районалда тӀобитӀана РабигIул аввал моцӀалъе сайгъат гьабураб гӀелмияб мажлис. Гьелда гӀахьаллъана районалъул бетӀер ХӀасанов Запир; районалъул имамзабазул советалъул председатель - Салимов ГӀабдулла; Югалъулаб территориалияб округалда Дагъистан Республикаялъул муфтияталъул вакил Рамазанов...


Жиндаго тIад хIалтIи

Нилъеца гьарулел гIамалал ритIарал ругищали яги чиядехун гьабулеб гIамалалъулъ тохлъи биччалищали пикруго гьабулищ нилъеца? Мекъи рукIин лъалищ, къабул гьабулищ, гьеб битIизабизе хIаракат бахъулищ?   Гьайгьай, гьелъул пикру гьабизе ккела. Лъазе ккола аварагзаби хутIизегIан, гунгутIабаздаса...