Бихьиназде салам

Бихьиназде салам

Данухъ росулъа Ислам Мусаев, рагъулаб отпускалъ вачIиндал:

Рагъул фронталде ахIулел васал,
Ас-салам гIалайкум! Босе дир салам.
Сахал тIаса рищун унел бихьинал,
Бихьиналщиназде буго дир калам.
Кидаго къотIичIо ракьалда рагъ-кьал,
Махлукъат къавмазде бикьаралдаса,
РукIана чабхъенал, ккана гьужумал
Жеги туманкI-ярагъ лъалелдасаго...
Гьезий ахир гьечIин абиги буго,
Инсан гIорцIунгутIи лъалеб жо буго.
Жакъасеб хIакъикъат гьединаб буго,
Империалистал ццулъулел руго.
Цин Европаялда, цин Азиялда,
Гьез питнаби-кьалал рекьулел руго.
Ракьалда киналго континентазда
«ГIадлу» гьабизеян лъугьунел руго.
Гьезие нух къалеб къуват цохIого 
Россия гурони батулеб гьечIо.
Гьаб ахIулъ яхI рехун, тохго чIечIого
РухI кьезе хIадурал камунги гьечIо.
Гьединаллъун рукIа, лъикIал бахIарзал,
Заманалъул жойин гьаб бакъул дунял!
Рукъги ракьги цIунун цIадай аразул,
ЦIар нахъе хутIулин халкъалъе реццлъун.