Аслияб гьумералде

ХIалалаб гьанал нигIматал

ХIалалаб гьанал нигIматал

ДРялъул муфтияталда тӀоби-тӀана Дагъистаналъул Росдал магӀишаталъул ва кванил нигӀматазул министерствоялъул вакилзабазулгун данделъи.

Гьениб бицана гIи-боцӀул къадар гӀемер гьабизе ккеялъул ва гьеб гӀезабиялъул рахъалъ цадахъаб хӀалтӀи гьабиялъул хIакъалъулъ, гьединго, базаразда хӀалалаб гьан цӀикӀкӀинабиялъул масъалабазул.

ХӀалалаб гьанал даража букӀине рес гьечӀо ветеринарияб халкквей гьечӀого. Гьединлъидал данделъиялъул гӀахьалчагӀаз хасаб кӀвар кьуна нигIматал гIезарулезе лъай кьезе ккеялъул суалаздеги.

ДРялъул росдал магӀишаталъул ва кванил нигӀматазул министрасул заместитель Шамил Жамаловас кӀвар буссинабуна муфтияталъгун цадахъаб хӀалтӀи гьабизе ккеялда ва тӀадчӀей гьабуна хӀайваназда хасал маркаби лъезе, жиндир заманалда прививкаби гьаризе, стандартал кьварун цӀунизе ккеялда.

Муфтияталъул дармилгун экономикиял суалазул рахъалъ экспертазул советалъул нухмалъулев ГӀабдулмухӀаммад МухIаммадовас абуна гьеб рахъалъ хӀалалаб гьан букIинабиялде кьолеб кIвар цӀикӀкӀинабизе кколин абун.

«Муфтият кидаго хӀадураб буго фермеразулгун гьоркьорлъаби гьаризе, лъалареб жо батани, гьезда малъизе ва бичIчIизабизе», - ян абуна гьес. 

2026-09-15 (РабигIул ахир 1448 с.) №18.


Учительзабиги кIочон течIо

Хъайтагъ районалда тӀобитӀана РабигIул аввал моцӀалъе сайгъат гьабураб гӀелмияб мажлис. Гьелда гӀахьаллъана районалъул бетӀер ХӀасанов Запир; районалъул имамзабазул советалъул председатель - Салимов ГӀабдулла; Югалъулаб территориалияб округалда Дагъистан Республикаялъул муфтияталъул вакил Рамазанов...


Щай рахъунел?

Мавлид ахIулеб заманалда бусурбабазда гьоркьоб машгьураб гIадат буго, МухIаммад авараг ﷺ гьавураб лахIзаталъул ахIулелъул, киналго тIаде рахъунеб. Гьебги гьабула Аллагьасул Расул вокьиялъул, рохелалъул, гьесие гьабулеб адаб-хIурматалъул гIаламат хIисабалда.   Гьеб гIадат къабул гьабурал...


Гьикъизе нечараб бицине намусаб

Якьадги росги   Дир якьадалъе бокьун букIана жиндирго квартира къачIан лъугIизабизе ва гьелъ нижеда гьарана кумек. Дир росас, дидаги гьикъичIого, хIажатаб гIарац къарзалъ кьуна. ЛъагIел ана ва гьеб гIарац нахъбуссинабизе гIедегIунев чиги гьечIо. Дир рос нечола ракIалде щвезабизе ва дида...


Жиндаго тIад хIалтIи

Нилъеца гьарулел гIамалал ритIарал ругищали яги чиядехун гьабулеб гIамалалъулъ тохлъи биччалищали пикруго гьабулищ нилъеца? Мекъи рукIин лъалищ, къабул гьабулищ, гьеб битIизабизе хIаракат бахъулищ?   Гьайгьай, гьелъул пикру гьабизе ккела. Лъазе ккола аварагзаби хутIизегIан, гунгутIабаздаса...


РакI чIаго гьабулеб

Гьаб заманалда гIемерисеб мехалда дунялалъул ишазда сверун лъугьун рукIиналъ нилъ лъугьунел руго аслияб иш кIочон толеллъун. Нилъер ракI буго черх чIаго гьабун би жиндасан сверулеблъун гуребги иманалъул ракIбацIцIалъиялъул унго-унгоял бусурбабазул хасияталъул бакI ва нилъ Халикъасда ﷻ хурхинарулеб...