Руччабазул мажлис

ЦерегIан къояз Казбек районалъул руччабазул рухIияб лъай кьеялъул хIалтIухъабаз тIобитIана «Садакъаялъул рагIдукь» - абураб маджлис.

Гьелъул мурадги букIана сентябрь щвелелде мадраса гIатIид гьабун гьарурел хIалтIаби лъигIинаризе хIажатаб гIарцул къадар бакIари. ЛъугIунареб садакъалъун букIине бугеб 10 000 гъурущги билеталъухъ кьун, руччаби рачIана рехсараб маджлисалде.

«ХIадисалда рекъон, лъабго жо буго, чи хваниги, гьесие кири бачIунебго букIунеб. ЛъугIел гьечIеб садакъа, нахъе тараб гIелму-лъай ва лъикIаб лъимер. Нужеда лъана гьеб лъабабго босизе. Мадрасаги нужер кумекалдалъун бахъун чIела, жиндалъун гIелму тIобитIизе бугеб, гьел мутагIилзабазул дугIаги нужее камиларо».

Гьадинал рагIабаздалъун хитIаб гьабуна 4225000 гъурущ мадрасаялъе бакIарарал Дилим росдал руччабаздехун, васазул ва ясазул мадрасаялъул нухмалъулев Юсуф-хIажи ГIабдулмуслимовас.

Данделъиялда рихьизаруна Аварагасул ﷺ лъади Хадижатил гIумруялдаса театралиял церерахъинал, гьаруна насихIатал, рицана исламалъул церехъабазул гIумрудул къисаби. Казбек районалда руччабазул рухIияб лъай кьеялъул нухмалъулей Аминат Аштаевалъ баркала загьир гьабуна исламалъул хIалтIуе кумек гьабулел руччабазе.

Хадижат Хизриева

2026-09-01 (РабигIул аввал 1448 с) №17.

Ислам буго гьоркьохъеб ва бигьаяб дин. ТӀадегӀанав Аллагьас ﷻ хирияб Къуръаналда абуна: «Нижеца нуж умматлъун гьаруна гьоркьохъеб хIал ккураб», - ян («Бакъара» сурат, 143). Гьелъул магӀна ккола муъминчиясул нух хӀинкъиялдаги хьулалдаги гьоркьоб букӀине кколин...

Хъумторхъала райналъул ракьалда бугеб ЦIияб ГIурада росулъ тIобитIана лъай кьеялъул ва рухIияб тарбия щвеялъул мурадалда гIуцIараб байрам. Гьениб росдал лъималаз ва гьидерил росабалъа рачIарал гьитIичаз бихьизабуна жидерго лъай. Гьез цIалана Къуръан ва кьуна батIи-батIиял гIелмиял суалазе жавабал.

Дагъистан Республикаялъул муфти, шайих АхӀмад-афандица Россиялъул Федерациялъул батӀи-батӀиял регионазда хӀалтӀулел Дагъистаналъул хӀукуматалъул вакилзабазулгун тӀобитӀана дандчӀвай. Гьеб тадбиралда гӀахьаллъана Россиялъул регионазда ва къватӀисел пачалихъазда гӀумру гьабулел дагъистаниязулгун...

Каспийск шагьаралда тӀобитӀана «Ас-салам» газета цӀалулезулгун дандчӀвай. Гьеб тадбирги тIобитIана баракатаб рабигIул аввал моцӀалъул хIурматалда. «Ас-салам» ккола тIолабго улкаялда ва гьеб бахун къватIибги лъалеб басма. Гьединлъидал гьелдехун гьабулеб бербалагьиги букIуна...

ЦӀунтӀа районалъул Гьинухъ росулъ тӀобитӀана баракатаб рабигӀул аввал моцӀ тӀаде щвеялда бан мажлис. Дунялалъул бусурбабазе гьеб моцӀ ккола хасаб рухӀияб цӀилъиялъул заманлъун. Муъминзаби мажгитазда ва рокъор данделъула Аллагьасе рецц гьабизе, Аварагасде ﷺ салават битIизе, гьесул гӀумруялъул...

Руччабазул мажлис