Аслияб гьумералде

«Лъаялъул сордо»

«Лъаялъул сордо»

МахIачхъалаялда, шайих Зайнулла аш-Шарифил цIаралда бугеб мажгиталда тIобитIана Гумбет районалъул жамагIаталъе сайгъат гьабураб «Лъаялъул сордо» абураб мажлис.

Гьелда гIахьаллъи гьабуна ДРялъул муфтиясул заместитель КъахIиса МухIаммадица, муфтияталъул мугIрузулаб округалда вугев вакил ГIалиасхIаб Разакъовас, районалъул иммзабазул советалъул председатель Мурад Насрудиновас, районалъул администрациялъул вакилзабаз ва цогидазги.

Мажлисалда кIалъазе рахъараз гьаруна вагIза-насихIатал, бицана тIабигIат-гIамал цIуниялде кьезе кколеб кIваралъул, рухIияб рацIцIалъиялъул бугеб хиралъиялъул, церехъабазда хадур рилълъиналда жаниб букIунеб баракаталъул, тIаде гIолеб гIелалъе битIараб тарбия кьезе кколеблъиялъул хIакъалъулъ.

ВагIзабазда гьоркьо-гьоркьоб ахIана Авараг ﷺ веццун нашидалгун мавлидал ва тIобитIана къиматал сайгъатал, хасго гIумраялде ине путевка щвеялъе можоро бахъиялъул тадбирги.

2026-08-01 (Сафар 1448 с.) №15.


Тушбабаздехунги букIана гIафву

Аварагзабазул тIабигIа-таздасан ккола хIилму ва гурхIи. Аллагьас ﷻ Аварагасдехун абулеб буго: «Дуца гIадамаздехун гьабулеб гIамалалъулъ бигьаяб, хIеренаб нух тIаса бище ва жагьилал гIадамаздасаги вусса», ай гьез гьабуралда релълъараб ахIмакъаб гьабугейин ва гьезул рагIи-гIамал гIадахъги...


Муфтиясги гIахьаллъи гьабуна

Дагъистан Республикаялъул муфти, шайих АхӀмад-афанди гӀахьаллъана РФялъул президентасул Северияб Кавказалъул федералияб округалда вугев вакил Юрий Чайкал нухмалъиялда гъоркь тӀобитӀараб данделъиялда. Гьениб гьоркьор лъун рукIана миллатазда ва диназда гьоркьоб рекъел цӀуниялъул ва гьеб щула...


Ургъел щай гьабулеб?

Гьаб заман буго ургъалаби гIемераб. Гьедин бугин абун, нилъ рукIине бегьуларо кидаго рахIатхун. Кинаб хIалалде кканиги, ТIадегIанав Аллагьас ﷻ кумек гьабула. Гьес ﷻ нилъ рехун толаро. Гьес ﷻ нилъее кьун буго хирияб Къуръан ракIалъе сахлъи гьабулеб ва тун руго рикIкIен гIемерал насихIатал хьул...


Хварал нухда регIулев

«Хвел-хоб кIочараб, къойил холел гIадамазул хабар рагIаниги нилъго хвелин ракIалдецин кколареб гIажаибаб дунял бачIун буго». Гьединал пикрабазда вукIаго, ракIалде бачIана хварал чагIи чурулев чиясулгун гара-чIвари гьабизе лъикI букIинаанин абураб пикру. ЦIех-рех гьабулаго, гьединав чи...


Хирияв Аварагасул ﷺ шамаилал

Шамаил абураб рагIи хIалтIизабула Аварагасул ﷺ берцинал тIабигIатазул бицен гьабулеб мехалда. Гьединго, гьесул ﷺ гIумру ва ахIвал-хIал рехсолеб мехалдаги. Гьединлъидал Аварагасул ﷺ цо-цо ахIвал-хIалал рехселин.   Аварагасул ﷺ рас букIана берцинаб ва дагьабго кьурараб, цIакъго кьурараб ва...