Аслияб гьумералде

Бусурбанал руччабазги хIала футбол

Бусурбанал руччабазги хIала футбол

Бусурбанал руччабазги хIала футбол

 

Мароккоялъул фотболалъул рахъалъ тIаса бищараб командаялда хIалей спортсменка НухIайла Бензина, дунялалъул чемпионаталда хIалаго, ккана тIад хIижабгун футбол хIарай тIоцеесей бусурбанай гIаданлъун.

Футболалъул рахъалъ руччабазул чемпионат унеб буго ЦIияб Зеландиялдагун Австралиялда. Гьеб халат бахъине буго 20-абилеб августалде щвезегIан.

Цебе ФИФАялъ гьукъун букIана къецазда бетIералда кIазгун цере рахъине. Гьелъие гIиллалъунги бихьизабулеб букIана гьелъ квалквал гьабулеб букIиналдаго цадахъ, жагъаллъи ккезе рес букIинги, ай дандиялъ кверги бан, кIаз цIани, горбое яги бетIералъе зарал ккезе бегьулин абун. Амма 2014 соналда гьеб гIурхъичIваялдаса инкар гьабуна ва гьанже бокьарай гIаданалъе рес буго ботIрода кIазгун футбол хIазе.

ФИФАялъ гьабураб гьединаб хIукму бугониги, хIижабгун футбол хIазе гьукъун буго Франциялда. Гьезул тIаса бищураб командаялдайин абуни хIалей йиго Мароккоялдаса анлъго футболистка.

 

2026-09-01 (РабигIул аввал 1448 с) №17.


БацIцIадаб гIоралда релъараб

Как буго диналъул кьучI ва аслу. Как тарав чиясул дин биххулин абун буго хIадисалдаги. Гьелъул магIна ккола диналъул щулалъи какалда бараб букIунин.   Бусурбанчияс кIвар кьезе ккола какалде. Гьелъул кIвар бицана хIадисалъги: «Дуда лъай, ишазул бищун лъикIаб как бугеблъи...»...


Баркала кумекалъухъ

ХӀурматияб «Ас-салам» газеталъул редакция! Газета гьоркьобккун нижее, Хунзахъ районалъул ТӀадколоб росулъа ХӀажиев ГӀалискандил хъизамалъе, бокьун буго баркалаялъул калам загьир гьабизе нижее хӀажалъи ккедал кумекалъе ратарал гӀадамазе.   Исана 13 июналда цӀаги рекӀун нижер мина,...


Алжаналде нух

Дунялалъул кинабго иш сабабазда базабун бугебго гIадин, инсан дунялалде вачIинги эбел-инсудалъун буго. Лъиего балъгояб жо гуро лъимаде эбел-инсул букIунеб гурхIелги, кIудияб тIалаб-агъазги. Гьединлъидал нилъеда исламалъ тIад гьабула эбел-инсул камилаб адаб гьабизе. Къуръаналъулги ахIи буго...


Мисал босула

Бищун талихIавлъун ккола Аллагьас ﷻ тIадкъарал хIукъукъалги тIуралев, хирияв Аварагасул ﷺ суннатги цIунулев ва исламалда рекъон хъизан-агьлуялъе тарбияги кьолев чи. Лъимералъ тIаса бищулеб нух бараб букIуна эбел-инсуда.   ГIемер абулеб рагIула, эбелалда яги инсуда релълъарав вугин абун....


Аварагасул ﷺ гIумру щай лъазабилеб?

Аварагасул ﷺ бицунелъул гIенеккун ругеб мехалда нилъер къасд букIине бегьуларо гIицIго харбихъ гIенеккун ругеб гIадинаб. Ниятгун къасд букIине ккола Аварагасул ﷺ хIакъалъулъ рехсолел сипатаздалъун нилъее лазат щвей, ай гIишкъуялда гIенекки ва гьеб рекIелъе биччай. Аварагасул ﷺ бицунаго нилъ гьесде...