Аслияб гьумералде

«Полоса препятствий» турнир

«Полоса препятствий» турнир

МахIачхъала шагьаралъул пляжалда тIобитIана ЧIарада районалъул гIолилазда гьоркьоб «Полоса препятствий» абураб турнир.

Къец тIобитIана районалъул машгьурал спортсменазул: кикбоксингалъул рахъалъ халкъазда гьоркьосеб классалъул мастер ХIабиб ХIажиевасул, эркенаб гугариялъул рахъалъ халкъазда гьоркьосеб классалъул мастер ХIайбулла Шааловасул, эркенаб гугариялъул рахъалъ халкъазда гьоркьосеб классалъул мастер ГIумарасхIаб Нажмудиновасул призазе гIоло.

Турниралда гIахьаллъана ункъ-ункъ чи вугеб анцIго команда. ЗахIматал масъалабиги тIуразарун гIахьалчагIаз бихьизабуна бергьенлъиялде бугеб жигар ва командаялъулаб рухI. ХIалуцараб къецалдаса хадуб призал рикьана гьадин: тIоцебесеб бакI щвана Гьачада росдал командаялъе, кIиабилеб бакI – гьочосезе ва лъабабилеб бакI - мугурухъисезе.

Бергьаразе кьуна грамотаби, медалал ва гIарцулал сайгъатал.

Тахшагьаралъул администрациялъул спорталъул, туризмалъул ва гIолилазул ишазул управлениялъ гьединго баркала кьуна ЧIарада районалъул имамзабазул советалъул вакил Ибрагьимов Мурадие ва «ЧIарада районалъул гIолилазул» советалъул председатель ИсмагIил ИсмагIиловасе.

Къец лъугIун хадуб киналго гIахьалчагIи «Инсан» фондалъ кваназеги гьаруна.

2026-09-15 (РабигIул ахир 1448 с.) №18.


Кванил адабал

Кваназе байбихьилалде цин кверал чурила, гьелъ кванида баракат лъола, цинги «Бисмила» бахъила ва абила: «Аллагьумма барик лана фима разакътана ва къина гIазаба ннари», - абун. Кваналев чиясул ниятги букIина диналъе къуват бачIинеян абураб. Гьединаб ниятгун кванани, квенги...


Суал-жаваб

Хабалъ ракIгъеялъул как кин балеб? ШафигIияб мазгьабалъул кIудияв гIалим Сайид МухIаммад Журданияс «ФатхIул ГIаллам» абураб тIехьалда хъван буго: «Гьел суннатал каказдасан ккола хабалъ ракIгъезабиялъул какги. Аварагас ﷺ абун буго: «Хварасе тIоцебесеб сордоялдаса захIматаб...


ГIадамал данде гьарулеб ифтар

Щибаб хамиз къоялъ мажгиталъур данделъула гIадамал кIал биччазе. Анкьида жаниб тIоритIулел ифтарал гIуцIула «Инсан» фондалъ, гьелъие кумек гьабула волонтераз.   Нижеца гара-чIвари гьабуна «Инсан» фондалъул вакил Мурадилгун ва цIехана гьелъулги волонтеразул...


Гьикъизе нечараб бицине намусаб

Якьадги росги   Дир якьадалъе бокьун букIана жиндирго квартира къачIан лъугIизабизе ва гьелъ нижеда гьарана кумек. Дир росас, дидаги гьикъичIого, хIажатаб гIарац къарзалъ кьуна. ЛъагIел ана ва гьеб гIарац нахъбуссинабизе гIедегIунев чиги гьечIо. Дир рос нечола ракIалде щвезабизе ва дида...


Муфти дандчIвана Сулеймангун

Дагъистаналъул муфти, шайих АхӀмад-афандица, ГӀиса аварагасул цIаралда бугеб централда къабул гьавуна Гъарабудахкент районалъул Параул росулъа гӀараб каллиграфиялъул устар Аширлаев Сулейман. Гьес сайгъат гьабуна хирияб Къуръаналъул жинцаго квералъ хъвараб, цогидаздаса батӀияб нусха. ГӀага-шагарго...