Аслияб гьумералде

ГIумраялде ине сертификатал щвана

ГIумраялде ине сертификатал щвана

Жакъа Дагъистаналда ва тIолабго Россиялдаго бищун лъикIаб ва пайдаяб газета «Ас-салам» бугин абуни, мекъи букIинаро. Аллагьасе ﷻ рецц, гьеб хъвалезул ва цIалулезул къадарги къо бахъанагIан цIикIкIунеб буго. Гьелдаса бугеб пайда халкъалда бичIчIулеб букIинги ккола кIудияб талихI.

Гьелдаго цадахъ «Ас-саламалъги» хIаракат бахъула цIалдолел рази гьаризе, гьезие пайдаяб, жакъа дунялалдаги метер ахираталдаги батулелъул бицине ва хъвазе. Гьединго, подписка гьабуразда гьоркьоб тIоритIула батIи-батIиял къецалги. Масала, гIумраялде ине изну кьолеб путевка щвеялъе гIоло тIамула можоро.

Гьале лъагIалил байбихьудаго, гIурус, магIарул ва лъарагI мацIазда къватIибе биччалеб газеталъул цо-цо цIалдолесе путевка бергьана ва гьезие рес щвана хирияб ракьалде гIумра гьабизе ине.

Дагьал церегIан къоязда гьел, ай можоро бергьарал ахIун рукIана редакциялде ва гьезие кьуна Маккагун Мадинаялде ине рес кьолел сертификатал.  Гьайгьай, ПатIимат ЖабрагIиловаги, НурмухIаммад ЯхIяевги, МухIаммад ХIажиевги разиго хутIана гьединаб сайгъаталдаса ва гьез баркала загьир гьабуна редакциялъеги путевка кьуразеги.

 

2026-09-15 (РабигIул ахир 1448 с.) №18.


Цоцазе мисал

Нилъер хъизам букIине ккола сахлъи бугеб щулияб жамгIияб гIуцIилъун. Рокъоб гIадлу гьечIони, хъизан-лъималаз гIумру гьабизе гьечIо исламалда рекъон, бажаризе гьечIо гьел лъикIал бусурбабилъун лъугьинарун.   Аслияб масъала буго Аварагасул ﷺ уммат гьоркьоса къотIичIого цIикIкIунеб хIал...


Авараг ﷺ лъай – гьев вокьи

Аллагьасул Аварагасде ﷺ бугеб рокьиялъ гьесул асхIабзабазул ракIазулъ хасаб бакI кколаан. Гьеб рокьи гьез загьир гьабулаан рагIудалъун ва пишабаздалъун гуребги Аварагасул ﷺ къадру цIунулел, гьесул лъикIлъаби рицунел, гьесул тIокIаб гIамал-хасият беццулел шигIрабаздалъунги.   АсхIабзабазда...


ГIадамал данде гьарулеб ифтар

Щибаб хамиз къоялъ мажгиталъур данделъула гIадамал кIал биччазе. Анкьида жаниб тIоритIулел ифтарал гIуцIула «Инсан» фондалъ, гьелъие кумек гьабула волонтераз.   Нижеца гара-чIвари гьабуна «Инсан» фондалъул вакил Мурадилгун ва цIехана гьелъулги волонтеразул...


Тохав чиясул нух

Абу-Гьурайратидасан Бухарияс бицараб хIадисалда аварагас ﷺ абулеб буго: «Аллагьас ﷻ абуна, щив чи вугониги дир валиясе зарал гьабун (жинца гьев тушманлъун ккун, гьесда ццим бахъун), дица гьев чиясда рагъ лъазабула», - ян. Жинда Аллагь ﷻ гурхIаяв Факигьанияс абуна: «Щив чи вугониги...


Муфти дандчIвана Сулеймангун

Дагъистаналъул муфти, шайих АхӀмад-афандица, ГӀиса аварагасул цIаралда бугеб централда къабул гьавуна Гъарабудахкент районалъул Параул росулъа гӀараб каллиграфиялъул устар Аширлаев Сулейман. Гьес сайгъат гьабуна хирияб Къуръаналъул жинцаго квералъ хъвараб, цогидаздаса батӀияб нусха. ГӀага-шагарго...