Аслияб гьумералде

Болъихъ волейбол хIана

Болъихъ волейбол хIана

Щибаб санайил Болъихъ росулъ тIоритIула муфтияталъул мугIурузулаб округалда ругел диниял хIаракатчагIазда гьоркьоб волейбол хIаялъул рахъалъ къецал.

Исанасеб турнир рагьиялъулаб тадбиралда гIахьаллъана муфтияталъул мугIрузулаб округалда вугев вакил ГIалиасхIаб Разакъов, районалъул имамзабазул советалъул председатель ГIумар ГIалиев, райадминистрациялъул бетIерасул заместитель МуртазагIали НурмухIаммадов ва цогидалги.

КIалъазе рахъараз киназего гьарана икъбал ва бицана вацлъи щула гьабиялъул мурадалда тIоритIулел къецаз пайда кьолеблъиялъул хIакъалъулъ.

Турниралда гIахьаллъи гьабуна 12 командаялъ ва тIоцебесеб бакI ккуна Гъуниб районалъ. КIиабилеб бакI щвана Унсоколо районалъул командаялъе ва лъабабилебгун ункъабилеб бакIазде рачIана Хунзахъгун ЧIарада районазул командаби.

2026-05-15 (ЗулкъагIида 1447 с.) №10.


ЧIор речIчIиялъул турнир

ГӀахвахъ районалъул гӀадамазда гьоркьоб «Лучник» клубалда тIобитIана чIор речIчIиялъул турнир.  Турниралъул хӀурматиял гьалбаллъун рукӀана МахӀачхъалаялъул централияб мажгиталъул имам ГӀиса Салимсултанов, Шамсудин Шамсудинов - ГӀахьвахъ районалъул имамзабазул советалъул председатель ва «ГIахьвахъ...


Аллагьасе ﷻ бокьулеб би

Къурбанкъоялъ Адамил лъималаз гьарурал лъикIал гIамалазул бищун Аллагьасе бокьулеб гIамал би гIодобе тIей буго (къурбан хъвей).   Къурбаналъе хъураб жо Къиямасеб къоялъ бачIине буго жиндирго лълъурдулгун, расалгун, щанкIлалгун, гьелъул би ракьалде тIинкIилалде Аллагьасда ﷻ аскIоб кIудияб...


«Ас-салам» – магIарул росабалъ

Гьал къоязда магIарул мацӀалда бахъулеб «Ас-салам» казияталъул редакциялъул хӀалтӀухъаби щвана Шамил районалъул Бакълъухъ росулъе. Редакциялъул хӀалтӀухъаби дандчӀвана росдал бегавулгун, школалъул нухмалъулевгун, мадрасаялъул ректоргун цогидалги жамгIиял хIаракатчагIигун. Гьезулгун...


Нухлул къанунал цIуни

Кинал ругониги балагьал рачIиндал нилъеца цоцазе кумек гьабула. Гьеб буго тIабигIияб жоги. Амма буго щибаб къойил кколеб балагь, нилъги жинде ругьунлъараб. Гьебги ккола нухазда кколел авариял. 2026 соналъул лъабго моцIида жаниб ккана 357 авария, хвана 61 чи, лъукъана 510-яв, гьезда гьоркьор руго...


Ният халгьабун…

Къокъаб, амма магIна гъваридаб аби буго: «РакIбацIцIалъиялъ, ай ихласалъ гIажаибал жал гьарула», - ян абураб. Гьел рагIабаз мухIканго загьир гьабула муъминчиясул гIумруялъул аслияб магIна. Ахир-къадги исламалда бокьараб гIамалалъе къимат гьабула гьелъул сипат-сураталдалъун яги кIодолъиялдалъун...