Аслияб гьумералде

Египеталде сапар

Египеталде сапар

Египеталде сапаралъ араб Дагъистаналдаса делегация дандчӀвана Вакъфазул рахъалъ министр Усама ал-Азгьаригун.

Дагъистаналъул делегациялда гъорлъ рукӀана: ДРялъул диниял суалазул ва миллияб политикаялъул министрасул заместитель ТӀагьир Сутаев, министрасул кумекчи ГӀабдулбасир Абакаров, ДРялъул муфтияталъул председатель Мурад ИсмагӀилов ва республикаялъул муфтиясул заместитель МухIаммад Жамал Сакъа, СагIидбек Даитовасул цӀаралда бугеб исламияб университеталъул ректор АхӀмад ГӀабдулатӀипов.

Данделъиялда бицана исламияб лъай кьеялъул ва гӀелмуялъул рахъалъ цадахъ рекъон гьабизе бегьулеб хӀалтӀул, Египеталда дагъистаниял-студентазе лъай кьеялъул, фатвабазул рахъалъ бухьен гьабиялъул суалазул хIакъалъулъ. Гьединго хасаб кӀвар кьуна экстремизмалде ва терроризмалде данде къеркьеялъе, радикалиял пикраби ккечӀого рукӀиналъе, гӀадатияб рухӀиябгун моралияб къимат щула гьабиялъе цадахъаб хӀаракатчилъиялде рачIиналде.

Дагъистаналда тӀобитӀизе бугеб халкъазда гьоркьосеб конференциялда гӀахьаллъизе ахӀана министр ва Египеталъул диниялгун гӀелмиял идарабазул вакилзаби. Дагъистаналъул муфтияталъул председателас министрасда саламги бицана шайих АхӀмад-афандиясул рахъалдасан.

2026-10-01 (РабигIул ахир 1448 с.) №19.


ГIагарасдасаги гIагарав

Умумузул аби буго рикIкIад вугев гIагарав чиясдасаги аскIов вугев мадугьал лъикIавилан абураб. Щайин абуни, гьесул кумек цIикIкIун щолеб букIун рикIкIада вугев гIагарав чиясдасаги.   Аварагас ﷺ абун буго, Жибрил малаикас гIемер мадугьаласул хIакъ цIуниялъул бициналъ, жинда кколеб букIанин...


Малик ибну Динар

Малик ибну Динар Абу ЯхӀя ал-Басри ккола табигӀиназул щуабилеб кьералъул чи. Гьев гьавуна ибну ГӀабасил заманалда ва цӀалана Анас ибн Маликида цеве, гьесдасан хӀадисалги рицана.   Бухарияс, Абу Давудица, Тирмизияс, ан-Насаица ва ибну Мажагьица тIахьазда рехсана Малик ибну Динаридасан рицунел...


Къулгьу...

«Ал-Ихлас» сура гIуцIун буго ункъо къокъаб аяталдаса, амма Аллагьасул Расулас ﷺ бицана гьелъул кIудияб мустахIикълъиялъул: «Къул гьува Ллагьу ахIад» Къуръаналъул лъабабилеб бутIаялда бащалъула», - ян. (Муслим)   Байбихьуда гIажаиблъизе рес буго, бищун къокъал...


Нужее баяналъе

Ирс щолел чагIазул хIакъалъулъ баян щиб сураялда рехсараб? – Сура «Алу ГIимраналда». Щиб сураялъ баянго рехсараб Бадруялъул гъазават? – «Анфал» сураялъ. Юсуф аварагасда макьилъ бихьараб бакъулги, моцIролги, анцIила цо цIваялъулги магIна щиб...


ЦIияб мина

ЦӀияб-ЦIиликь росулъа МухIаммадовазул хъизамалъе щвана цӀияб мина. Ихдал лъим кIанцIун хадуб гьеб хъизам хутIун букIана рукъги гьечӀого. Цогидазего гIадин «Инсан» фондалъ тIаде босана гьезие мина баялъул и шва къокъабго заманалда жаниб рагIалде бахъинеги гьабуна. Гьединаб иш...