Владимир Зорин дандчIвана муфтигун

РФялъул ЖамгIияб палатаялъул миллатазда, диназда гьоркьосеб ва миграциялъул комиссиялъул председатель Владимир Зорин дандчIвана Дагъистаналъул муфти, шайих АхIмад-афандигун. Гьединго дандчIваялда гIахьаллъи гьабуна республикаялъул миллияб политикаялъул ва диниял ишазул министр Энрик Муслимовасги.

Гьез ракIалде щвезавуна пачалихъияв хIаракатчи МухIаммадгIали МухIаммадов, бицана гьесул заманалда ккарал цо-цо лъугьа-бахъиназул хIакъалъулъ.

Гьединго рорхана жакъа улкаялда церечIарал суалазул, бицана цадахъал данделъаби тIоритIиялъул бугеб кIваралъул ва халкъалъул цолъи букIинабиялъул мурадалда гьаризе кколел тадбиразул хIакъалъулъ.

Хасаб кIвар буссинабуна СВОялда ругел гIолохъабазе имамзабаз гьабулеб бугеб кумекалде ва жамгIияталда цолъи букIинабиялъул мурадалда гьез гьабулеб бугеб хIалтIуде.