ГьитIинабго насихIат
ГьитIинабго насихIат
Рокьи гвангъизабула гIоло-хъанлъиялъги чорхол гьайбатлъиялъги, гьеб хехго ссунги уна гIолохъанал рос-лъадул сахаватаб гIамалалъги рухIияб къадруялъги къойилго цIилъизабулеб гьечIони.
Рехсей гьабила рос-лъадуца жидеда гьоркьор цIуни гьаруни, талихIалде рачунел чанго рагIиялъул:
– Жидеего цоцаздаса бокьанщинаб жо рос-лъадуца тIалаб гьабизе ккола дагIба-рагIиялдалъун гуреб, цоцазул гIакълу къабул гьабиялдалъун ва божилъиялдалъун.
– ЯцIцIадай, намус цIунарай лъади гIадамазда гъорлъе яхъине рекъараб буго цохIо росгун цадахъ, гьев гьечIеб мехалъ, йихьичIого хьвадиги бецараб буго.
– Махсарабаздасаги аваданаб гьимиялдасаги махIрум гьаюн лъадигун хъачIго вукIунев чияс, гьей тIамула къватIиб рохел-аваданлъи балагьизе.
– Лъадуца мугъчIвай гьабизе лъикIаб буго жинда цадахъ бачIараб бечелъи – кьибил-тухумалъул тIадегIанлъиялде, жиндирго берцинлъиялде гуреб – хIалимлъи-хIеренлъиялде, гIамал берцинлъиялде, дагIбадичIого – къун чIезе лъаялде. Щибаб къоялъ гьел къадруял рахъал цIунизеги ккола жигаралда, йохун ва ракIбан.
– Россабазе мутIигIлъиялдалъун лъудби мустахIикълъула реццалъе ва хIурматалъе.
– Лъадул гIамал хвезабизе бегьула гьагал гьудулзабазухъ гIенеккиялъ. Гьединал малъарухъабазе ва мацIихъабазе, гIундулали кир гурин, рукъалъул нуцIбигицин рагьизе бегьуларо. ЦIадудаса гIадин цIунизе ккола гьездаса.
– Сахаватлъиялъги берцинаб гIамалалъги рос асир гьавулей хIалимай лъадуе хIинкъизе бакI гьечIо гьев цогиялъ викъиялда.
