Канзи шифо. Роҳҳои раҳоӣ аз бехобӣ

Канзи шифо. Роҳҳои раҳоӣ аз бехобӣ

Ду сол боз аз бехобӣ азият мекашам. Вақтҳои охир то доруи хобро нанӯшам, хобида наметавонам. Мехоҳам донам, ки бехобиро бо усулҳои халқӣ табобат кардан имкон дорад ё не?

 

Ба саволи хонанда номзади илмҳои тиб Саидҷон Нодирӣ посух медиҳад:

– Аз бехобӣ дар гӯшаю канорҳои гуногуни сайёра миллионҳо одамон азоб мекашанд ва бинобар гуногунии сабабҳои пайдоиши он усули муайяни табобати ин беморӣ нест.

Аз бехобӣ бештар одамоне азоб мекашанд, ки системаи асабашон нисбатан суст буда, зуд ба ҳаяҷон меоянд. Бехобӣ ба асаб вобаста бошад, қабл аз хоб бо меҳнати ақлонӣ машғул нашавед. Барвақт хӯрок истеъмол намуда, барвақт хобидан (соатҳои 9-10-и шаб) ва бегоҳӣ хӯроки сабуктар истеъмол кардан лозим. Ним соат қабл аз хоб ваннаи ширгарм қабул намудан (ё пойҳоро ба оби хунук гузошта гирифтан) фоидабахш аст. Бехобӣ агар бар асари камхунӣ бошад, ба зарфҳои шишагӣ оби гарм рехта, ба паҳлуи пойҳоятон гузоред, манфиати хуб мебахшад.

Метавонед ин усулҳои табобати халқиро ҳам санҷида бинед: Қабл аз хоб ба як пиёла оби ҷӯшидагӣ (на чой) ё ба шири ҷӯш 1-2 қошуқча шакар ё асал илова намуда нӯшед. Дамламаи решаи растании нардсунбулро (валериана) нӯшед. (Як қошуқча решаи майдакардаи нардсунбулро дар 1 пиёла оби ҷӯшидагӣ 20 дақиқа дам партоеду пасон нӯши ҷон созед).

Қабл аз хоб ним соат дар ҳавои тоза пиёда сайр намоед. Ба доруҳои хоб майл нанамуда, асабҳоро ором созед ва барои хобидан кӯшед.

2026-10-01 (Рабиул ахири соли 1448) №10.


Санбӯсаҳои зудпази картошкагӣ

Маҳсулоти лозима: 100 грамм панири тарошида, 700–800 грамм картошка, як бандча кабудӣ, 1 дона пиёз.   Барои хамир: 2 дона тухм, 2 истакон орд, 1 қошуқча намак, 1 истакон кефир. Тарзи таҳия: Картошкаро тоза карда, дар об пазед ва аз он картошкаи кӯфта тайёр кунед. Пиёзро майда реза...


Талаби илм бар ҳар марду зани мусалмон фарз аст

Барои инсон ҳеҷ шуғле фозилтар ва гуворотар аз илм нест, зеро Худованди Бузург ба сабаби фазилати илму дониш мақому манзалати уламоро баланд намуда, мефармояд:   «Худо ононеро, ки аз мисли шумо имон овардаанд ва ононеро, ки ба онҳо илм ато карда шудааст, ба мартабаҳо баланд...


Муҳоҷирон ба Русия бештар даромад оварданд

Дар ним сол аз ҳисоби муҳоҷирон ба буҷети Русия 321 миллиард рубл ворид шудааст, ки нисбат ба як соли пеш 30% зиёд мебошад.   Ин нуктаро Андрей Кикот, муовини аввали вазири корҳои дохилии Русия дар вохӯрӣ бо Владимир Путин, президенти Русия зикр кард. Ба гуфтаи ӯ, аз ин маблағ, зиёда аз 60...


Тоҷикистон бо Озарбойҷон, Чин ва Фаластин бозиҳои дӯстона мегузаронад

Дастаи мунтахаби футболи Тоҷикистон дар доираи омодагӣ ба қисми ниҳоии Ҷоми Осиё-2027 дар рӯзҳои FIFA дар моҳҳои сентябр ва октябр дар сафар се бозии дӯстона баргузор мекунад. 23-юми сентябр дастаи мунтахаби Тоҷикистон бо тими миллии Озарбойҷон вохӯрӣ анҷом медиҳад. Бозӣ дар варзишгоҳи...


Беш аз 23,6 миллион рубл музди меҳнати муҳоҷирон баргардонида шуд

Дар ҳафт моҳи соли 2026 дар натиҷаи фаъолияти Намояндагӣ оид ба масъалаҳои пардохт нашудани музди меҳнати муҳоҷирони меҳнатӣ – шаҳрвандони Тоҷикистон дар Федератсияи Русия, ба муҳоҷирони тоҷик 23 миллиону 655 ҳазору 452 рубл маблағи музди меҳнати пардохтнашуда баргардонида шудааст. Ин маблағ...