Суал-жаваб

Гирами Каламдин фуну сурайиъ «Бисмиллагь» кьюб ражари текрар шула?

«Бисмиллагь» кьюб ражари «Ан-Намль» сурайиъ текрар шула - 1 ва 30 аятариъ.

Аллагьу Тааьлайи фуну сура дюаь вуди дебккна?

«Аль-Фатигья» сура.

Гирами Каламдиъ Аллагьу Тааьлайин швнуб ччвур кlаин дапlна?

Гирами Каламдиъ Аллагьу Тааьлайин 99 ччвур кlаин дапlна.

Ччвурарра улупури, Гирами Каламдиъ швнур пайгъамбарикан дупна?

Гирами Каламдиъ, ччвурарра хури, 25 пайгъамбарикан дупна.

Гирами Каламдиъ кlваин дапlнайи пайгъамбрарин ччвурар?

1) Адам; 2) Идрис; 3) Нюгь; 4) Гьуд; 5) Салигь; 6) ЛутI; 7) Ибрагьим; 8) Исмаил; 9) Исгьякь; 10) Якьуб; 11) Юсуф; 12) Шуаьйб; 13) Гьарун; 14) Муса; 15) Давуд; 16) Сулейман; 17) Аюб; 18) Зулькифль; 19) Юнус; 20) Ильяс; 21) Альяса; 22) Закарийя; 23) Яхья; 24) Иса; 25) Мугьяммад пайгъамбар.

Гирами Каламдин швнуб сурайиз пайгъамбрарин ччвурар тувна?

6 сурайиз: сура «Юнус» (10); сура «Гьуд» (11); сура «Юсуф» (12); сура «Ибрагьим» (14); сура «Нугь» (71); сура «Мугьяммад» (47).

Гирами Каламдиъ фуну дишагьлийин ччвур кlваин дапlна?

Иса пайгъамбарин дада Марьямдин ччвур кIваин дапIна.

Пайгъамбарин фуну асгьябдин ччвур гирами Каламдиъ кlваин дапlна?

Заид бин Харис асгьябдин ччвур кIваин дапIна (33:37).

Гирами Каламдиз тувнайи имбу ччвурар фицдар ву?

Гирами Кьур’андиз гьамцдар ччвурар а: Аль-Фуркьан, Аль-Китаб, Аль-Зикр, Аль-Нур, Аль-Гьуда.

Гирами Калам уьбхювал чаина шли гъибисну?

Гирами Калам уьбхювал Аллагьу Тааьлайи Чаина гъибисну

Кьур’андин варитlан аьхиримжи сура фунуб ву?

Кьур’андин варитlан аьхиримжи сура «ан-Нас» ву.