«Аль-Ихлас» сурайин 6 ниъмат
«Аль-Ихлас» сурайин 6 ниъмат
«Аль-Ихлас» сура гирами Каламдин лап заан сурйирикан ву. Пайгъамбарихьан ﷺ ухьухьна му сурайин заанваликан дупнайи гафар дуфна. Магьа ичв фикирназ «Ихлас» сурайин 6 заанваликан мялумат туврахьа.
- «Аль-Ихлас» сура Кьур`андин шубуб пайнакан саб мисал ву.
قَالَ النَّبِيُّ صَلَّى اللهُ عَلَيْهِ وَسَلَّمَ لِأَصْحَابِهِ: «أَيَعْجِزُ أَحَدُكُمْ أَنْ يَقْرَأَ ثُلُثَ القُرْآنِ فِي لَيْلَةٍ؟ فَشَقَّ ذَلِكَ عَلَيْهِمْ وَقَالُوا: أَيُّنَا يُطِيقُ ذَلِكَ يَا رَسُولَ اللَّهِ؟ فَقَالَ: اللَّهُ الوَاحِدُ الصَّمَدُ ثُلُثُ القُرْآنِ
Абу Саид аль-Худрийи кIураки, саб ражари Пайгъамбари ﷺ асгьябарихьан гьерху: «Учвкан шлихьанкIа Каламдин шубуб пайнакан сабунуб урхуз шлу кас айин?» Дурариз му ляхин читинди гъябкъну ва дурари гъапну: «Учкан шлихьан думу ляхин апIуз шулухъа, я Расулюллагь?». Думуган Пайгъамбари ﷺ гъапну: ««Йип: Думу – Аллагь, Сар ву…» (яни сура «аль-Ихлас») – гьаму ву Каламдин шубуб пайнакан саб» (аль-Бухари, Муслим, Аьгьмад, ат-Тирмизи).
- Фуну касди 10 ражари «аль-Ихлас» сура гъурхиш, Аллагьу Тааьлайи дугъаз Женнетдиъ аьхю хал тикмиш апIиди
عَنْ سَهْلِ بنِ مُعَاذِ بن أَنَسٍ، عَنْ أَبِيهِ، عَن رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ: ((مَنْ قَرَأَ: قُلْ هُوَ اللَّهُ أَحَدٌ [الإخلاص عَشْرَ مَرَّاتٍ، بنى اللَّهُ لَهُ بَيْتًا فِي الْجَنَّةِ))، فَقَالَ عُمَرُ بن الْخَطَّابِ: إِذنْ نَسْتَكْثِرَ يَا رَسُولَ اللَّهِ؟ فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: ((اللَّهُ أَكْثَرُ وَأَطْيَبُ))؛ رواه الإمام أحمد
Сагьл бин Муаьз ибн Анасди чан адашихьан вуйи гафар хура, саб ражари Пайгъамбари ﷺ гъапну: ««Фуну касди 10 ражари гьаму гафар «Йип: Думу – Аллагь, Сар ву…» (яни сура «аль-Ихлас»)» аьхиризкьан гъапиш, Аллагьу Тааьлайи дугъаз Женнетдиъ хал тикмиш апIиди. Му гафар гъеерхьу Уьмар ибн Хаттабди гъапи: «Дици вуш учу му сура шлубкьан артухъ урхуз чалишмиш хьидича, я Расулаллагь!» Пайгъамбари ﷺ гъапи: «Хъа Аллагьу Тааьлайи учвуз думутIанна ужуб ва артухъ вуйиб тувди» (имам Аьгьмад).
- «Аль-Ихлас» гъурху кас Аллагьу Тааьлайиз ккунир ву
عائشةَ، أنَّ النبيَّ - صلى الله عليه وسلم - بعثَ رجُلاً على سرية فكان يقرأُ لأصحابهِ في صَلاتِهِم فيَختمُ بـ (قُلْ هُوَ اللَّهُ أَحَدٌ)، فلمَّا رجَعوا ذكَّرَوا ذلك للنبيِّ - صلى الله عليه وسلم - فقال: «سلُوهُ: لأيِّ شيء يصنعُ ذلك؟ «، فسألُوهُ، فقال: لأنَّها صِفَةُ الرَّحمنِ، وأنا أُحبُّ أن أَقرأَ بِهَا، فقالَ النبيُّ - صلى الله عليه وسلم -: «أخبروهُ أن اللَّه يُحبُّهُ «
Айшайи ктибтура: Саб ражари инсанар сефериз гьаъруган, Пайгъамбари ﷺ дурарин аьхюр вуди гьадму ксарин гъудгниъ имамди дугъужвру ва гьарган гъудган «Ихлас» сура урхбиинди ккудукIру кас гьаънийи. Сефериан гъафиган, инсанари му ляхникан Пайгъамбариз ﷺ хабар тувну. Пайгъамбари ﷺ гъапи: «Дугъу гьаз дици апIури гъахьнуш, аьгъю апIинай». Думу касдихьан гьерхган, дугъу гъапи: «Му сурайиъ Рягьимлуйин сифатарикан улхура, гьаддиз думу урхуз ккунир вуза». Му гафарикан хабар гъабхьи Пайгъамбари ﷺ гъапну: «Хабар тувай дугъаз, думу Аллагьу Тааьлайиз ккунир ву» (аль-Бухари и Муслим).
- «Аль-Ихлас» сура женнетдиъ учIвуз себеб шлуб ву.
عن أنسٍ قالَ: كانَ رجُلٌ مِنَ الأنصارِ يؤُمُّهم في مسجدِ قُباءَ، وكانَ كلَّما افتتحَ سورةً يقرأُ بِهَا لهمْ في الصلاةِ ممَّا يقرأُ به، افتتح بـ (قلْ هُوَ اللَّهُ أَحَدٌ) حتى يفرغُ مِنْها، ثُمَّ يقرأُ سُورةً أُخرَى مَعَهَا، وكانَ يصنعُ ذلكَ في كلِّ ركعةٍ، وذكرَ الحديثَ… وفيه: فقالَ النبي - صلى الله عليه وسلم - «يا فلانُ، ما حملكَ على لزوم هذهِ السورةِ في كلِّ ركعةٍ؟ « فقال: إني أُحِبُّها، فقالَ: «حُبُّكَ إياهَا أدخلكَ الجنَّةَ»
Анас асгьябди ктибтураки, ансарарин арайиан вуйи аль-Кьуба мистаъ гъудгнин улихь гьучIвру сар кас гъахьну. Дугъу гъудгник сурйир урхруган, гьарган «Ихлас» сурайихъан хъюгъри, хъасин жара сура урхури гъахьну, ва гьамци гьарсаб гъудгник. Мидкан Пайгъамбариз ﷺ хабар тувган, Дугъу гьерху: «Я фулану кас, гьар ракаатнаъ му сура урхбан себеб фу вуяв?» Дугъу жаваб туву: «Узуз му сура ккуниб вузуз». Пайгъамбари ﷺ гъапи: «Яв дидихьна вуйи ккунивали уву Женнетдиз гьаъру» (имам аль-Бухари).
- «Аль-Ихлас» сура жвуван дюаьйиз жаваб тувбаз себеб шулу
عن عبد الله بن بريدة، عن أبيه أن النبي صلى الله عليه وسلم سمع رجلاً يصلي يدعو يقول: اللهم إني أسالك بأني أشهد أن لا إله إلا أنت الأحد الصمد الَّذِي لم يلد ولم يولد، ولم يكن له كفوًا أحد. قال: والذي نفسي بيده، لقد سأله باسمه الأعظم، الَّذِي إذا سُئل به أعطى، وإذا دُعي به أجاب. رواه السنن الأربعة، وقال الترمذي: حسن غريب
Аьбдуллагь бин Бурайдатди чан адашин гафар хура: Саб ражари Пайгъамбариз ﷺ гъудгник гьаму дюаь урхури сар кас гъяркъну: «Я Аллагь, дугъриданна узу Увкан ккун апIураза Уву Аллагь вуйивалиинди ва ибадат апIуз лайикь вуйир УвутIан адрувалиинди, Сар вуйир, Гьаргандиз вуйир, бабкан гъапIур, я гъахьир дарур, Чаз барабар вуйир адрур…» Думуган Пайгъамбари ﷺ гъапну: «Йиз рюгь хилиъ айириинди ху апIураза, му касди Аллагьу Тааьлайин аьхю ччвурариинди ккун гъапIну, дурар кIваин апIури ккарагиган тувру дюаь гъурхган, жаваб тувру». (имам ат-Тирмизи).
- «Аль-Ихлас» сура кьаза-балйирихьан уьрхюз себеб ву.
عنْ عائشةَ: أنَّ النبيَّ - صلى الله عليه وسلم - كانَ إذَا أوَى إلى فِراشِهِ قرأَها مع المعوذتينِ ومَسَحَ ما استطاعَ مِنَ جسدِهِ
Айшайи ктибтураки, гьар йишван нивкIуз гъягъяйиз Пайгъамбари ﷺ хилар ккидисну, уф апIури, хиларин гагьаризди «аль-Ихлас», «Фалакь», «ан-Нас» сурйир урхуйи. Хъасин вари рукьру йишварик кубкIруганси гьадму хилар чан жандикан ктатуйи» (имам аль-Бухари).
عن عائشة. قالت: كان رسول الله صلى الله عليه وسلم إذا مرض أحد من أهله، نفث عليه بالمعوذات. فلما مرض مرضه الذي مات فيه، جعلت أنفث عليه وأمسحه بيد نفسه. لأنها كانت أعظم بركة من يدي. وفي رواية يحيى بن أيوب: بمعوذات
Айшайи гьацира ктибтура: «Пайгъамбарин ﷺ хизандиан фужкIа аьзарлу гъахьиган, дугъу дурариина муаьвизатайн урхуйи (яни «аль-Ихлас», «Фалакь», «ан-Нас»). Хъа Пайгъамбар ﷺ учв Аьхиратдиз гъягъру уьзрихъди ктIирццган, узу думу дюъйир дугъ’ина урхуз хъюгъза, дугъан чан хилар чан жандикан ктатури, гьаз гъапиш дугъан хиларик кайи берекет гизаф вуйи». (имам Муслим).
