Мянфяаьтлу ихтилатар

Аьли аьсгьябди, учв душну гъудган дапIну гъяйиз девейиз лиг кIури, сар касдиз табшурмиш гъапIну. Дугъу, гъудган гъапIган, гьадму касди гъапIу ляхнин гьякь тувуз кIури, хилиъ кьюб диргьамра дидисну, мист’ан удучIвуру. Амма тмуну касди, деве чан хьайи йишвахь гъибтну, учв деве дибтIру тIуринра хьади, гьергну гъушну.

Аьли аьсгьябди сар жара кас девейиз тIурин гъадабгъуз базариз гьаъру. Думу касдиз, учв базариз гъафиган, тIурин гьитIибкIу касди гьадму тIурин кьюб диргьамдиз массу туври гъяркъну. Дугъу думу касдихьан гьадму тIурин кьюб диргьамдиз гъадабгъуру.

Думуган Аьли аьсгьябди гъапну:

«Саспи инсанари чпихъ сабур хъадрувалиан гьялалвалиинди чпиз рукьру ниъматар гьярам рякъюъди агуру». Кьюб жюрейин палат Мугьяммад бин Мункадири кьюб жюрейин алахьру палтар массу туври гъахьну:

Сабдин кьимат 5 диргьам, хъа тмунубдин – 10. Думу учв багахь хьадруган, дугъан лукIру 5 диргьамдиз вуйи палат 10 диргьамдиз массу тувну. Мугьаммадди думу кас ярхи йигъ агури гъахьну ва, гъидихъган, дугъу думу палат гъадабгъуриз гъапну:

«Уву 5 диргьам кIуру палат 10 диргьамдиз гъадабгъунвагьа». Думу касдира, узуз узу гъадабгъуб кьабулди вузуз, гъапну. Мугъяммадди хъанара давам гъапIну:

«Увуз, белки, кьабулди вушул, хъа узуз мици кьабулди дарзуз ва жара касди узуз дапIну даккни ляхин узу увузра дапIну ккундарзуз. Уву ясана 10 диргьам кIуру палат бис, ясана узу увуз 5 диргьам кьяляхъ апIурза, ясана йиз палат кьяляхъ апIин ва яв пул кьяляхъ бис – гьаму шубубдикан саб кадабгъ», - гъапи. Думу касди гъапну:

«Дици вуш ча узуз 5 диргьам». Ва Мугьаммадди дугъаз 5 диргьам кьяляхъ гъапIну.

Хюндикан

Сар касдин ужуб хюни ади гъабхьну. Дугъу думу ккебтри ва никкдик шид кубзри массу туври гъахьну. Саб ражари дугъан хюни, нир аьхю дубхьну, шту гъабхуру. Му ляхин гъябкъган, дугъан веледарикан санури гьарай гъапIну: «Никкдик ухьу ктикьу вари штар уч духьну, ихь хюни гъубхну».

«ДИНДИН ЭДЕБАР» КИТАБДИАН