Кечмиш гъахьи кас жикlбан мяна фу ву?

Кечмиш гъахьи кас жикlбан мяна фу ву?

Кечмиш гъахьи кас жикlбан мяна фу ву?

Велед бабкан гъахьихъанмина, тап кечмиш хьайизкьан, дугъан уьмрихъди аьлакьалу суаларин сан-гьисаб адар. Гьадрарикан саб инсан чан аьхирихъна гъафигандикан вуйи суал ву. Гизафдари, майит гьаз жибкlури шуйкlан, кlури гьерхри шулу. Яни инсан учв марцц вуди халкь дапlна, гьаци вушра кечмиш гъахьиган гьаз жикlури шулу?

 

Жаваб: Гьямд ибшри Сар Аллагьдиз, салат ва салам ихь Пайгъамбариина ﷺ, дугъан асгьябариина ва хизанариина.

Саб кlуруб, гьарсар мусурман касдиз якьинди аьгъяди ккундуки, вари Аллагьу Тааьлайи дерккнайи къайдйир мусурмнариз анжагъ мянфяаьт айидар ву ва дурарин аьхю мяна а. Аллагьу Тааьлайи гирами Каламдиъ дупна (мяна): «Аллагьу Тааьлайиз учвуз читинвалар алахьну ккундар, учву марцц дапlну, учвухьна Чан рягьимлувал рубкьури ккунду, белки учву Дугъу туву ниъматарихъан гьямд апlарчва» (сура «аль-Маида», 6-пи аят).

Аллагьу Тааьлайи гьацира дупна (мяна): «Аллагьу Тааьлайи учвуз ичв диндикан мялумат тувра ва учвуз мянфяаьт айиб, учву ичв улихь вуйидарин рякъюъди гъахуз ва ичв туба кьабул апlуз, дугъриданна Аллагьу Тааьла Аьгъюр, Гьяким вуйир ву» (сура «ан-Нисаъ», 26-пи аят).

Саспи вахтари Аллагьу Тааьлайи Чан лукlариз Чан кьадарнакан мялумат тувру, хъа жара дюшюшариъ ваъ. Хъа мусурман кас, думу ляхнарин мяна чаз аьгъяшра, аьгъдаршра, тамамди Аллагьу Тааьлайиз тялукь духьну ккунду.

Кьюб кlуруб, майит жибкlувал жямяаьтдиин али фарз ву. Думу кечмиш гъахьирин улихь чlивидарин али вазифйирикан ву. Кечмиш гъахьир гьаму жилилан гъушхъанмина, дугълан вари фарзар алдахьура.

 

Натижа:

Майит жибкlувал жямяаьтдиин али фарзарикан ву, думу ухьуз амур апIурайиб ву, яни дидин мяна аьгъдаршра, тамам дапlну ккуни ляхнарикан ву. Мусурман касдиз дидин мяна аьгъяшра, аьгъдаршра, Аллагьу Тааьлайин амур вуйивалиан думу тамам дапlну ккуниб ву. Эгер дугъан жандик нежес кади вуш, думу гьаци жикlбахъди марцц шулу, эгер марцциди вуш, думу гъудгнин жикlувалик мисал ву.

2026-09-01 (Рабиуль авваль 1448 г.) №9.


Кьур’андин фуну аят аьхиримжи вуди гьапIну?

Аллагьу Тааьлайи гирами Кьур’андин аьхиримжи аят вуди фунуб гьапIнуш, аьлимарин арайиъ жюрбежюр фикрар а:   Аьхю пай аьлимарин гафариинди думу «Бакьара» сурайин 281-пи аят ву:   وَاتَّقُوا يَوْماً تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا...


Гъиямат йигъ лавландин гъудгниз экбер тувган улубкьурин?

Аллагьу Тааьлайи инсанарихьан жиниди гъибтнайи ляхнар а. Дурар жиниди гъитувалин мурад-метребра инсанарин мянфяаьтназ ву. Гъиямат йигъ улубкьру вахт саризра ашкар дарувал гьадрарикан саб гьисаб шула.   «Гьяшия ас-Сави» китабдиъ дидин гьякьнаан гьамци дибикIна: «Аллагьу Тааьлайи саспи ляхнар...


Гьядис гьякьлуб вуш, ари гьадму йиз мазгьаб ву

Мазгьабар дерккру вахтари, гьядисарикан фундар гьякьлудар вуш, фундарсана зяифдар ва инсанари ктагъдар вуш, аьгъяди гъабхьундар – магьа саспидари гьамци кlури шулу.   Гъи интернет айивалиан, мусурмнарин арайиъ фукьан манзил ашра, саб гъулаъ айиганси гаф-чlал апlуз шулу. Гьаддиз...


Йиз кагъаз

Ассаламу аьлайкум! Узу кlваантlан Аллагьу Тааьлайихъ хъугънайи кас вуза. Бицlидихъанмина, йиз абайи-бабу улупганси гъудгнар апlури, йиз дин хъапlрайи кас вуза. Гьяждизра гъушунза, гьамус узхьан шлуганси мистариъ садакьа тувурза, гирами йишвариина зияратдиз гъушганра, садакьа туври шулза,...


Гуми гъулаъ аьхю серенжем

21-пи авгъусти Табасаран райондин Гуми гъулаъ Пайгъамбар ﷺ бабкан гъахьи ваз улубкьбан гьюрматнаан аьхю мажлис кlули гъубшну.   Гьар йисан ихь республикайин шагьрариъ ва районариъ, Пайгъамбарин ﷺ уьмрикан ктибтури, дугъкан назмар урхру мажлисар шулу. Дупну ккундуки, мициб аьхю серенжем Гуми...