Аьхиримжи нефес

Аьхиримжи нефес

Ихь Пайгъамбар

(Салават ва

Салам дугъаз)

Йик1ру гьялнаъ

Айи вахтна

Гъюр Жабраил

Малайик, к1ур:

«Я, Мугьяммад,

Сар Аллагьди

Хъадап1унвуз

Салам, гъапну:

«Гьяфта миди

Учв йик1айиз

Шли аьф ап1уб

Чан ккун гъап1иш,

Ап1уруза

Думу кьабул».

Ихь Пайгъамбри

(Салават ва

Салам дугъаз)

Туву жаваб:

«Гьяфта гизаф

Шуладарин?»

Жабраил гъуш.

Хъана гъафи,

Хьади гафар

Сар Аллагьдин:

«Сяаьт миди

Тавба гъап1иш,

Ап1идиза

Думу кьабул

Йик1ру касдин».

 

Ихь Пайгъамбри

(Салават ва

Салам дугъаз)

Хъана гьерху:

«Сяаьт гизаф

Шуладарин?»

 

Жабраил гъуш.

Хъана гъафи,

Салам хьади

Аллагьдихьан

Ихь Пайгъамбриз

(Салават ва

Салам дугъаз)

 

Ва гъурубкьу

Аллагьдин гаф:

«Эгер сяаьт

Шулаш гизаф,

Ап1идиза аьф

Йиз лук1ран

Гунгьарин, чан

Гъухригъна рюгь

Дуфну ашра,

Шуладаршра

Мелзнахьанра

Йиз лук1ран пуз.

Нач шул дугъаз,

Туву уьмур

Му Йиз улихь

Эгер гьап1нуш

Гунгьариъ чав».

 

 

Кьасумов Амир Мирзаевич,

Жулжагъ гъул.

 

РФ-йин жюрбежюр искусствойин ва литературайин конкурсдин лауреат ва дипломант:
Медаль Москва 1985.
Медаль Москва 1987.
Медаль Москва 1989. Дагъустан Республикайин культурайин лайикьлу работник (2004 й).

РФ-йин журналистарин Союздин член (2005 й).

РФ-йин уьмуми образованияйин лайикьлу работник (2006 й).

РФ-йин президентин грантдин сагьиб (2009 й). РФ-йин мялимарин устадвалин бина конкурсдин дипломант (1 степен, 2017 йис.) "Табасаран райондин улихь лайикьлувализ лигну" - медаль, 29.08.2024.

2026-08-01 (Сафар 1448 г.) №8.


Гьякьлу имам…

Ассаламу аьлайкум, аьзиз ватанагьлийир! Гьаму бицlи макьалайиъ ихь имамари гъахурайи читин ва жавабдар ляхнарикан ктибтуз ккундузуз.   Имамвал, сабпи нубатнаан, Аллагьу Тааьлайин улихь гизаф жавабдарвал алиб ву. Аллагьу Тааьлайи гирами аятар, Пайгъамбарин ﷺ гьядисар имамди жямяаьтдихьна,...


Йишвандин гъудгнариъ урхурайиб сес ягъалди, хъа тмундариъ жвувакди гьаз кlуру?

Гвачlниндин, лавландин ва хъитlирхбандин гъудгнарин сабпи кьюб ракааьтариъ ягъалди гьаз убхуйкlан, хъа имбу гъудгнариъ жвувакди гьаз урхуйкlан, кlури суал шулу. Му суалнан гьякьнаан гизафдариз аьгъдар, гьеле гъудгнар апlурайидариканра саспидариз кмиди.   Гирами Каламдиан гъудгниъ сес ягъалди...


Бахилвалинна даккнишнан гьякьикьат ва дурарин аьхир

Аллагьу Тааьлайи сар шлизкIа уж`вал гъапIиган, бахилвализ гьадму инсан дугъаз гъапIу хайирлуваларихъ мягьрум духьну ккунди шулу. Хъа даккнишнакан улхуруш, дидин бин душманвал, хъял ва инсанарихъди айи аьлакьйир чIюргъювал ву.   Бахил кас, сар касра сикинди гъидритру, аьдалатсуз ва рягьимсуз...


Ул гъапlунзуз…

Суал: Узуз ул апlбаан гизаф зарар шулазуз: кlул иццру шулайиз, машнаан лап уьру шулза. Дициб вахтна я ляхниз гъягъюз, ясана фукlа жараб апlуз шуладарзухьан. Узуз фицдар дюъйирикан кюмек шуйкlан?   Жаваб:    قال النبي صلى الله عليه وسلم: "العَيْنُ حَقٌّ وَلَوْ كَانَ شَيْءٌ سَابَقَ...


Дамагълувал фу вуйкlан?

Инсандин чаз айи гьюрмат, ккунивалианси, разивалианра чахьна айи табиаьтдин гьисс ву.   Бязи инсанар жвув кьадарсуз ккунивалиан, Аллагьдин ﷻ имбу лукIар, сарра гьяспикк ккадарди, фурс кади шулу. Гьамци инсан инсанарихьинди даккунди, дурар саймиш дарапIри, саринра гаф гъададабгъри, имбудар...