Гъудгник кучlвруган, фикир тув…

Гъудгник кучlвруган, фикир тув…

Гъудган гьарсар мусурман касдиин али фарз ву. Гьаддиз ухьуз фарз гъудгнихъди аьлакьалу вари суалар якьинди аьгъяди ккунду. Гьадрарикан саб, жямяаьт гъудгниз кьан гъапlу кас фици гъудгник кучlвну ккундуш, гьадму ву.

 

Суал: Эгер узу гъудгниз гъафиган имам рукуъдиз душнаш, фу дапlну ккунду: гъудгник кучlвбан такбир дурхну дишлади рукуъдиз гъягъюйин, дарш гьадму гъудгник кучlвбан такбирихъан рукуъдиз гъягъбан такбирра дурхну ккундин? Эгер гъудгник кучlвбан такбирихъди дишлади рукуъдиз гъушиш, гъудган батlил шулин?

 

Жаваб: Эгер уву имамдихъди гъудган думу рукуъдиъ айиган хъибтlраш, думуган дугъужвну гъудгник кучlвбан такбир урхурва, хъасин рукуъдиз гъягъругандин такбирра урхуб ужи ву. Кьюбпи такбир дурурхди рукуъдиз гъушишра, гъудган кам шула, гьаз гъапиш му дюшюшдиъ кьюбпи такбир урхуб сунна ву, фарз дар.

Эгер гъудгник кучlврайи такбир урхруган уву ис шулади гъахьиш, ясана гьацl дугъужвну имиди, гьацlсан ис духьнайиган гъапиш, думуган гъудган батlил шулу. Гьаз гъапиш гъудгник кучlвруган урхру такбир кайиб хьпан бадали, вари такбир урхру вахтна дугъужвну духьну ккунду.

 

Къайд: Дупну ккундуки, гъудгник кучlвругандин такбир урхруган, инсандин анжагъ гъудгник кучlвру такбириз ният ади ккунду. Хъа эгер дидихъди сабси рукуъдиз гъягъру такбиризра ният ади гъабхьнуш, думуган, аьхю пай аьлимарин гафариинди, гъудган батlил шула.

2026-09-01 (Рабиуль авваль 1448 г.) №9.


СУАЛ-ЖАВАБ

- Магьа гирами Пайгъамбар ﷺ бабкан духьнайи ваз улубкьна. Ич гъулаъ аьхю мажлис гъабхьну. Йиз аьхюну бай узуз думу мажлиснаъ иштирак махьан, хай шлуб дар кlури, удукьну дугъужвну. Чиб-чпин арайиъ гизаф дерд шлу гафарра гъахьнийич. Му жигьилариз гьапlнайкlан? Гьамус Аллагь ва Пайгъамбар ﷺ кlваин...


Гъиямат йигъ лавландин гъудгниз экбер тувган улубкьурин?

Аллагьу Тааьлайи инсанарихьан жиниди гъибтнайи ляхнар а. Дурар жиниди гъитувалин мурад-метребра инсанарин мянфяаьтназ ву. Гъиямат йигъ улубкьру вахт саризра ашкар дарувал гьадрарикан саб гьисаб шула.   «Гьяшия ас-Сави» китабдиъ дидин гьякьнаан гьамци дибикIна: «Аллагьу Тааьлайи саспи ляхнар...


Ипни хьуз кIури ушв гъибисуриз саваб айин?

Ушв бисувал лап аьхю саваб айи ибадатарикан саб ву. Ушв бисувалин хусуси шартI ният вари ушв батIил апIру вари дюшюшарихьан ярхла хьуб ву.   Гьаци вуйиган, ахсрар ккивхъанмина лавландин гъудгнин вахтназкьан инсанди ушв батIил шлу дюшюшар гъапIундарш, дицирин ушв бисувалин шартIар тамам...


Яв унчIв марцц апIин!

Саб хизан цIийи хулариз удучIвну. ГвачIнинган нивкI’ан уягъ гъахьибси, хпир унчIв’ан гъилигиган, дугъаз гъуншди ккурттар ерццуз илирчури рякъюру.   - Лиг, фукьан марцциди дарди ккурттар дурччнаш, - гъапи дугъу жилириз. Жилири газат урхурайи ва хпири кIурубдиз фикир...


Гуми гъулаъ аьхю серенжем

21-пи авгъусти Табасаран райондин Гуми гъулаъ Пайгъамбар ﷺ бабкан гъахьи ваз улубкьбан гьюрматнаан аьхю мажлис кlули гъубшну.   Гьар йисан ихь республикайин шагьрариъ ва районариъ, Пайгъамбарин ﷺ уьмрикан ктибтури, дугъкан назмар урхру мажлисар шулу. Дупну ккундуки, мициб аьхю серенжем Гуми...