Гъудгниз гьязур...

Гъудгниз гьязур...

Йицlикьюдпи

Йигъ Раббиуль

Аваль вазлин,

Итни йигъ ву.

Аишайин

Хул`ан лигур

Ихь Пайгъамбар

(Салават ва

Салам дугъаз)

Гъудгниз гьязур

Духьну айи

Аьсгьябариз.

 

Думу дяркъну,

Шад гъахьнийи

Аьсгьябарра,

Абубакру

Йишв гъапlнийи.

Ихь Пайгъамбри

(Салават ва

Салам дугъаз)

Хил хъапlнийи –

Гъудган ккебгъуз

Ишара ву.

 

Явашди ригъ

Завун кьялаз

Удубчlвнийи.

Ихь Пайгъамбри

(Салават ва

Салам дугъаз)

Фатимайиз

Дих гъапlнийи

Ва ибахъна

Гъапи фу-вуш.

 

Хъасин хъана

Дих гъапlнийи

Ва ибахъна

Фу-вуш гъапи.

Ихь Пайгъамбар

(Салават ва

Салам дугъаз),

Багъри адаш,

Кечмиш хьиган,

Фатимайиз

Аьгъю гъабхьи

Гафарин сир.

 

Ихь Пайгъамбри

(Салават ва

Салам дугъаз)

Сифте гъапну:

«Йикlуру узу

Багарихьди

Му уьзриан».

Кьюбпи ражну

Гъапибдин сир

Гьамциб гъабхьну:

Чан кьяляхъди

Хизандиан

Аьхиратдиъ

Сабпи ражну

Шул Фатима.

 

Гьадму йигъан

Ихь Пайгъамбри

(Салават ва

Салам дугъаз)

Дих гъапlнийи

Худлариз чан

(Гьясан, Гьюсейн -

Фатимайин

Вуйи баяр).

Ва дурариз

Гъапlу макар.

 

Яваш дарди

Уьзур яман

Шули айи.

Дугъу гъапи

Насигьятнан

Гьаму гафар:

 

«Аьрабарин

Кевшанар`ин

Кьюб жюрейин

Дин хьну ккундар.

Варди гъудгнар

Апlуб фарз ву».

 

Аишайи

Жилирин кlул

Мухрик киву.

Аьбдурягьман,

Хьади сивак,

Хулаъ учlву.

Ихь Пайгъамбриз

(Салават ва

Салам дугъаз)

Ккун гъабхьнийи

Сппар марцц апlуз.

 

Кlвантlаригъян

Дугъу кlура,

Шагьидарин,

Пайгъамбрарин

Арайиъ учв

Ади хьувал

Аллагьдикан

Ккун апlура.

 

«Рягьим апlин,

Я сар Аллагь!

Узу думу

Жергейизди

 

Гъайихава!» –

Саб-швнуб ражну

Текрар дапlну,

Хил ис гъапlу.

 

 

 

 

Кьасумов Амир Мирзаевич,

Жулжагъ гъул.

 

 

РФ-йин жюрбежюр искусствойин ва литературайин конкурсдин лауреат ва дипломант:
Медаль Москва 1985.
Медаль Москва 1987.
Медаль Москва 1989. Дагъустан Республикайин культурайин лайикьлу работник (2004 й).

РФ-йин журналистарин Союздин член (2005 й).

РФ-йин уьмуми образованияйин лайикьлу работник (2006 й).

РФ-йин президентин грантдин сагьиб (2009 й). РФ-йин мялимарин устадвалин бина конкурсдин дипломант (1 степен, 2017 йис.) "Табасаран райондин улихь лайикьлувализ лигну" - медаль, 29.08.2024.

2026-09-01 (Рабиуль авваль 1448 г.) №9.


Ариш-веришдиъ натижа хьпан бадали урхру дюаь

Ариш-вериш апIру агьлари, иллагьки думу ляхниъ жюрбежюр хъуркьувалар гъахьидари, ужуб натижа хьпан бадали, гьарган «лихури, лихури ва хъанара лихури» духьну ккунду, кIури шулу…    Ав, ихь метлеб кIулиз удубчIвбан бадали, ухьу дидиз себебра улупну ккунду. Амма, эгер...


Гъиямат йигъ лавландин гъудгниз экбер тувган улубкьурин?

Аллагьу Тааьлайи инсанарихьан жиниди гъибтнайи ляхнар а. Дурар жиниди гъитувалин мурад-метребра инсанарин мянфяаьтназ ву. Гъиямат йигъ улубкьру вахт саризра ашкар дарувал гьадрарикан саб гьисаб шула.   «Гьяшия ас-Сави» китабдиъ дидин гьякьнаан гьамци дибикIна: «Аллагьу Тааьлайи саспи ляхнар...


Ипни хьуз кIури ушв гъибисуриз саваб айин?

Ушв бисувал лап аьхю саваб айи ибадатарикан саб ву. Ушв бисувалин хусуси шартI ният вари ушв батIил апIру вари дюшюшарихьан ярхла хьуб ву.   Гьаци вуйиган, ахсрар ккивхъанмина лавландин гъудгнин вахтназкьан инсанди ушв батIил шлу дюшюшар гъапIундарш, дицирин ушв бисувалин шартIар тамам...


ГЪУДГАН

 Кучlвуб   Сар Аллагьдин Амриинди, Сар Аллагьдиз Аманатди, Сар Аллагьдик Умуд кади, Бисми дапlну, Бикlурайир Гъудгникан ву Жулжагъ Амир, Аллагьдин лукl, Аьраблин хтул; Эзбер гъапlур Насигьятдин Нур туврайи Аьршдин калам, Шариаьтдин Гьюкум, къанун; Дикъатлуди Уьбхюз...


Жюрбежюр гьюкуматариъ айи мистар

Афагъанистандиъ айи мист аль-Акьса мист Кутубия мист Меккайиъ айи мист Стамбулиъ айи мист Павлодара мист Турцияйиъ айи мист Болгар шагьриъ айи мист Кабус султандин мист Турцияйиъ айи Эртогрулгазыйин мист Бухарайиъ айи мист