Лимонлы пирог

Әгәр бу гади рецепт сезгэ ошаган икән, аны югалтмас өчен, һичшиксез, саклап куегыз!!!

Камыр очен кирәк булачак:

Каймак 20% - 200 гр

Күперткеч – 1,5 чәй кашыгы

Йомырка – 2 данә

Маргарин яки сыер мае (эретелгән) – 100 гр

Шикәр комы – 40 гр Он – камыр алган кадэр.

Эчлек:

Лимон – 2 данә

Шикәр комы – 200 гр (үзегез эчелеген чамалагыз)

Крахмал - 2 аш кашыгы (Мин үзем эчлеккә кайнатылган лимон кайнатмасын кулландым)

Эш тәртибе:

Камыр өчен күрсәтелгән азыктөлекләрдән камыр басарга. Камырны 30 минут ял иттерергә. Лимонны иттарткыч аркылы чыгарып, песок, крахмал салып болгатырга. Камырны ике өлешкә бүләргә. Берсе зуррак, икенчесе кечерәк булырга тиеш. Майланган табага камырның зур өлешен җәяргә. Шуның өстенә эчлекне салырга. Камырның кечкенә өлешен жәеп, пычак ярдәмендә 2см тирәсе кискәләргә. Пирогның өстен каплап, кырыйларын чеметеп чыгарга! Духовкага пешерергә куярга. (170 градуста 30-40 минут пеште) Чәйләрегез тәмле булсын!

АВТОРЫ ГӨЛНАЗ ХӘЕВА