Бәхрәйн матбугатында татар дин галимнәре турында фәнни монография дөн күрде
Бәхрәйн матбугатында татар дин галимнәре турында фәнни монография дөн күрде
Татарстан Президенты Рөстәм Миңнеханов җитәкчелегендәге делегация Бәхрәйнга килүгә андагы “Ватан” газетасының бүгенге санында Корольлекнең Югары шәригать суды рәисе, шәригать фәннәре докторы Ибраһим әл-Мурейхиның мәкаләсен бастырган. Ул бу хакта Татарстан мөфтие Камил хәзрәт Сәмигуллинга хәбәр итте, алар «Диннәр арасында диалогның әһәмияте» форумында очрашу уздырды.
Үзенең мәкаләсендә шәйх Мурейхи “Казан галимнәренең иҗазәтләре” дип исемләнгән 3 томлык фәнни монография нәшер ителү турында яза, ул күренекле татар галимнәренең дини эшчәнлегенә багышланган. Әлеге монография, шәехнең Татарстанга мөфти Камил хәзрәт Сәмигуллинның докторлык диссертациясен яклавында оппонент булып катнашу өчен килгәч, Болгар ислам академиясендә дөнья күргән иде.
Шәех шулай ук мәкаләдә Россия һәм Россия мөселманнарының Диния нәзарәтләрендә булганда алган тәэсирләре турында яза. Аерым алганда, ул ТР мөселманнары Диния нәзарәтен һәм Татарстан мөселманнарын «ата-бабалары тарихын саклый» дип искә ала. Моннан тыш, Татарстан Президенты Рөстәм Миңнехановның Бәхрәйнга килүе хөрмәтенә монография күпләп бастырылды дип хәбәр ителә. “Казан галимнәренең иҗазәтләре"нең өч томлыгын язуга авторның тулаем ике еллап вакыты киткән. Монографиядә татар галимнәре турында сөйләнә. Моннан тыш, хезмәттә Шәех Мурейхиның Казанга сәфәрләре тасвирлана. Кайчандыр Шиһабетдин Мәрҗани «Сафар-Намә»не язганча, Мурейхи да Россиягә һәм Казанга визитлары турында сөйли. Бу китапта ул җирле мөселманнарның дингә игътибар итүләре, шулай ук инфраструктура, дини гыйлем, китап бастыру дәрәҗәсе һ.б.турында бәян итә. Бу хезмәт инглиз, рус, француз һәм татар телләренә тәрҗемә ителгән.
